బొడ్డు అనేది మ‌న శ‌రీరంలో మ‌ధ్యలో ఉండే ఓ భాగం. ఇది ఒక్కొక్క‌రిలో ఒక్కో ర‌కంగా ఉంటుంది. కొంద‌రిలో బ‌య‌ట‌కు వ‌చ్చి ఉంటే, కొంద‌రిలో లోప‌లికి ఉంటుంది. ఇంకా కొంద‌రికి వేరే విధంగా ఉంటుంది. అయితే ఎలా ఉన్నా బొడ్డు ద్వారా మ‌నం ప‌లు అనారోగ్యాల‌ను నయం చేసుకోవ‌చ్చ‌ని మీకు తెలుసా..? అవును, మీరు విన్న‌ది క‌రెక్టే. బొడ్డు మ‌న శ‌రీరంలోని చాలా అవ‌య‌వాల‌కు క‌నెక్ట్ అయి ఉంటుంది. ఈ క్ర‌మంలో దానికి చికిత్స చేయ‌డం ద్వారా ప‌లు అనారోగ్య సమస్యలు న‌య‌మ‌వుతాయి. అవేమిటో ఇప్పుడు తెలుసుకుందాం.
కొన్ని చుక్కల ఆముదం నూనెను బొడ్డులో వేసి ఆ ప్రాంతంలో మర్దనా చేయాలి. దీంతో పెదాలు పగలడం, కీళ్ల నొప్పులు వంటి సమస్యలు తగ్గుతాయి. ఆల్కహాల్‌లో దూదిని ముంచి దాన్ని బొడ్డుపై పెట్టుకుంటే ఫ్లూ జ్వరం తగ్గుతుంది. జలుబు, దగ్గు కూడా తగ్గుతాయి. బ్రాందీలో దూదిని ముంచి దాన్ని బొడ్డుపై పెట్టుకుంటే స్త్రీలకు రుతుక్రమ సమస్యలు తగ్గిపోతాయి. వేప నూనెను బొడ్డులో పోసి మర్దనా చేయాలి. ఇలా కొన్ని రోజుల పాటు చేస్తే ముఖం కాంతివంతంగా మారుతుంది. మొటిమలు తగ్గుతాయి.
వేప నూనెకు బదులుగా బాదం నూనెను బొడ్డులో వేసి పై విధంగా చేసినా కూడా ముఖ వర్చస్సు పెరుగుతుంది. ముఖం ప్రకాశవంతమవుతుంది. కొన్ని చుక్కల కొబ్బరినూనె లేదా ఆలివ్‌నూనెను బొడ్డులో వేసి మర్దనా చేస్తే స్త్రీలకు సంతానోత్పత్తి శక్తి పెరుగుతుంది. అదే పురుషులకైతే శృంగార సామర్థ్యం పెరుగుతుంది. ఆవు నెయ్యి కొద్దిగా తీసుకుని దాన్ని బొడ్డులో వేసి మర్దనా చేస్తుంటే చర్మం మృదువుగా మారుతుంది. మొటిమలు, మచ్చలు పోతాయి.
