అర్దరాత్రి నైట్ డ్యూటీ చేస్తున్న వ్యక్తికి ఒక ఫోన్ కాల్ వస్తుంది. మీ ఆవిడని హాస్పిటల్ లో చేర్పించాం అర్జంట్ గా రమ్మని, రాత్రి 12 అయింది బయటకొస్తాడు. ఒక ఆటోలో కూర్చుని హాస్పిటల్ కు పద అంటాడు. 200 అవుద్ది చెప్పాడు ఆటో అత‌డు. 100 రూపాయలె కదా తీస్కునేది.. అన్నాడా వ్య‌క్తి. సర్ హాస్పిటల్ చాలా దూరం 200 అయితే వస్తాను అంటాడు. సరే పద అంటూ బయలు దేరుతారు. చేరుకున్న వెంటనే 500 నోట్ చేతిలో పెడతాడు. చిల్లర లేదంటాడు ఆటో అత‌డు. సరే లోపలికిరా అని హాస్పిటల్ లోకి వెళ్లి పోతారు. వెళ్ళగానే డాక్టర్ మీ ఆవిడకి ఎనిమియా అంటే రక్తహీనత ఉంది అర్జంట్ గా A పాజిటివ్‌ బ్లడ్ కావాలి అని చెప్తాడు. ఇప్పటికిప్పుడు ఆ గ్రూప్ బ్లడ్ ఎక్కడ దొరుకుతుందా అని తల పట్టుకుని బయటకు నడవబోతాడు.
ఆటో అత‌డు సర్ నాది అదే బ్లడ్ గ్రూప్ నేను ఇస్తాను తీస్కోండి అంటాడు. డాక్టర్ ఆ ఆటో అత‌డిని ల్యాబ్ తీస్కెళ్ళి బ్లడ్ చెక్ చేసిన తర్వాత ఒకే అని చెప్తాడు. ఆటో అత‌డు వెళ్ళే ముందు ఇతని దగ్గరికి వచ్చి సర్ నా డబ్బులు అంటాడు. 700 చేతిలో పెడతాడు. 700 ఇస్తున్నరేంటి సర్ అంటాడు ఆటో అత‌డు. ఆటో చార్జి 200. బ్లడ్ కు హాస్పిటల్ రేట్ 500 సరిపోదా .. దీనికి కూడా డబల్ రేట్ ఇవ్వాల్నా అంటూ అందరి ముందు ఆటో అత‌డి మీద కయ్య్ మని కేకలు వేస్తాడు. సారి సర్ నేను నా ఫ్యామిలి ఆటో మీద ఆధారపడి ఉన్నాం. రిటర్న్ వెళ్ళేప్పుడు ఆటో ఖాళీగా వెళ్ళాలి పెట్రోల్ ఖర్చుల కోసం డబల్ రేట్ అడిగాను. అంతే కాని రక్తాన్ని అమ్ముకునే స్థితికి నేను దిగజారలేదు. అంటూ 500 చేతిలో పెట్టి 200 మాత్రమే తీస్కుని వెళతాడు.
ఆటో అత‌ని గురించి తప్పుగా అర్ధం చేస్కున్న తన కుసంస్కారానికి బాధ పడతాడు. ఎదుటి వాళ్ళు ఏ పరిస్థితిలో మాట్లాడుతున్నారో వాళ్ళ పరిస్థితిని అర్ధం చేస్కోకుండా .. తొందరపడి వాళ్ళ గురించి తప్పుగా అర్ధం చేస్కోవద్దు అని నా మనవి. తొందరపాటు తీర్పులు మనిషిని అంధుడ్ని చేస్తాయి.
