టమాటా పండ్లు ఆరోగ్యాన్నివ్వడమే కాదు బరువును కూడా సమర్ధవంతంగా తగ్గిస్తాయి. చలినుండి తట్టుకోవడానికి టమాట సూప్ తాగేస్తాం. మరి టమాటా ఆహారం అంటే? ఒక వారం లేదా రెండు వారాలలో బరువు తగ్గే ప్రణాళికలో భాగంగా టమాటా డైట్ వాడవచ్చు. వీటిలో మంచి పీచు, నీరు వుంటాయి కనుక కడుపు నింపి ఆకలిని నియంత్రిస్తాయి. టమాట డైట్ లో ఏముంటాయి? మీ ఆహారంలో టమాటాలు తినండి. టమాటాలు శాండివిచ్ లో పెట్టి తినవచ్చు లేదా ఒక జ్యూస్ గా చేసి ఛీజ్ శాండ్ విచ్ తో కలిపి తినవచ్చు.
టమాటాలు కాటేజ్ ఛీజ్, వెన్న వంటి వాటితో బ్రేక్ ఫాస్ట్ గా తినవచ్చు. అయితే టమాటాలను పాలతో తినకండి. మీ కూరలలో టమాటాలు విరివిగా వాడండి లేదా బ్రౌన్ రైస్ తో ఉడికించి తినండి. కీర, ఉల్లిపాయ, కేబేజి, కేరట్, బీట్ రూట్ వంటి వాటితో కలిపి తినవచ్చు.
సాయంత్రం తినే చిరుతిండ్లలో, ఫ్రూట్ సలాడ్ లేదా ఇతర జ్యూస్ లలో టమాటా కూడా చేర్చండి. టమాటా సూప్ బరువు తగ్గించేందుకు బాగా పని చేస్తుంది. డిన్నర్ లో వెజిటబుల్ సలాడ్ గా తినండి. చపాతిలో కూడా టమాట కూర తినవచ్చు. టమాట సూప్ బ్రెడ్ తో కలిపి తింటే, కేలరీలు తక్కువ, కడుపు నిండుతుంది. టమాటాలు ముక్కలుగా కోసి బెర్రీలు లేదా ఇతర పండ్లతో కలిపి తినవచ్చు. ఇన్ని ప్రయోజనాలను ఇచ్చే ఎర్రటి టమాటాను మీ ఆహారంలో అనేక పదార్ధాలలో చేర్చి మంచి రుచి కలిగించుకోవచ్చు.
