ఆరోగ్యకరమైన ఆహారం తినాలంటూ ఎంతో వ్యయం చేసేవారున్నారు. ఆరోగ్యాన్నిచ్చే ఆహారాలు ఖరీదైనవే కానవసరం లేదు. తక్కువ ఖర్చుతో అధిక ఆరోగ్యం పొందే ఆహారాలు కూడా వున్నాయి. వాటిని మనం స్వంతంగా తయారు చేసుకొని, తిని చక్కని ఆరోగ్యాన్ని పొందవచ్చు. ఖరీదైన ఆహారాల స్ధానంలో తక్కువ వ్యయంతో కూడినవి ఎలా ఎంచుకోవాలో పరిశీలించండి. బెర్రీ బదులు మిరియాలు – బెర్రీలు ఏవైనప్పటికి యాంటీ ఆక్సిడెంట్లు శరీరానికి అందించి మన శరీరంలోని మలినాలను కడిగేస్తాయి. అయితే వీటికి బదులుగా పచ్చిమిరప లేదా మిరియాలు వంటివాటిలో కూడా యాంటీ ఆక్సిడెంట్లు అధికంగా వుండి ప్రయోజనం చేకూరుస్తాయి.
యాపిల్ బదులు గా ఐరన్ అధికంగా వుండే జామ కాయ, ఆకు కూరలు – యాపిల్ ఖరీదైనదే. ప్రత్యేకించి సీజన్ కాకపోతే మరింత ఖరీదు. యాపిల్ లోని ఐరన్ బదులుగా జామకాయ తినండి. బచ్చలికూర, తోటకూర వంటి ఆకు కూరలు అధికంగా తిని తక్కువ వ్యయంతో ఐరన్ శరీరానికి అందించండి. బీన్స్, బఠాణీ, కాయ ధాన్యాలు వంటివి తక్కువ వ్యయంతో పోషకాలను అందిస్తాయి. ఓట్స్‌ – ప్రతిరోజూ ఉదయం వేళ అల్పాహారం లేదా బ్రేక్ ఫాస్ట్ అంటూ ఎంతో వ్యయం చేస్తాం. ఇడ్లీ, పూరీ, దోశ మొదలగు వాటికి బదులు, ఓట్స్‌ కొద్దిపాటి పాలు లేదా వేడి నీటిలో కలిపి తీసుకుంటే అవి ఆరోగ్యంగా వుంచి కొవ్వు అధికంకాకుండా కూడా చేస్తాయి.
అరటిపండు – దీనిలో కార్బో హైడ్రేట్లు అధికంగా వుండి ఎంతో శక్తినిస్తాయి. ప్రతిరోజు ఒక అరటిపండు ఎంతో ఆరోగ్యం ఇస్తుంది. కాయ ధాన్యాలు ఖరీదనుకుంటే, చవకైన అరటిపండు ప్రతిరోజూ ఉదయంవేళ ఆహారంగా తీసుకుంటే చురుకుగా వుంచుతుంది. మంచి కొల్లెస్టరాల్ అధికంగా కావాలా? మాంసం చాలా ఖరీదు. దీనికి బదులుగా చేప ఆహారం తింటే వ్యయం తక్కువ. అంతే కాదు దానిలో వుండే ఒమేగా 3 ఫ్యాటీ యాసిడ్లు వ్యయం తక్కువలో మీకు మంచి ఆరోగ్యం ఇస్తాయి.
