మనం తినే ఆహార పదార్ధాలన్నిటిలోను కొంత షుగర్ వుంటుంది. దానిని ఆహారంనుండి వేరుపరచటం సాధ్యం కాదు. శరీరానికి కొంత షుగర్ అవసరం కూడాను. షుగర్ శక్తినిచ్చి మైండ్ చురుకుగా వుండేలా చేస్తుంది. అయితే వయసు పెరుగుతున్న కొద్ది షుగర్ ఎంత మేరకు తీసుకోవాలనేది గ్రహించాలి. ఇప్పటికే చక్కెర వ్యాధి వున్న వారికి షుగర్ అధికంగా తీసుకుంటే అది విషంతో సమానమై అనేక ఆరోగ్య సమస్యలు కలిగిస్తుంది. షుగర్ కు గల ప్రత్యామ్నాయాలు కూడా కొన్ని తీసుకుంటూ శరీరంలోని షుగర్ బ్యాలన్స్ చేసుకుంటే అధికబరువు సంతరించుకోకుండా సులభంగా నాజూకుతనం పొందవచ్చు. అదెలాగో పరిశీలించండి.
బ్రేక్ ఫాస్ట్ ఎలా వుండాలి? తాజా కూరగాయలు, బెర్రీలు, ప్రొటీన్ ఆధారిత ఆహారాలు చక్కెర రహితంగా వుంటాయి. ఎగ్ ఆమ్లెట్, బేకన్ లేదా హామ్, ఛీజ్, కూరగాయలు తక్కువ కేలరీలుండే ఆహారాలు. బెర్రీలు, పండ్లువంటి వాటిలో సహజ చక్కెర వుంటుంది. లంచ్ లో రుచికరమైన హామ్ బర్గర్ ఎంతో మంచిది. దీనిలో తాజా కూరలు, చక్కెర రహిత ఔషధాలుంటాయి. (ఉల్లిపాయ, పప్రికా, బ్రక్కోలి, చికెన్, మొదలైనవి)
పెరుగు లేదా పండ్లు చక్కెర లేకుండా తినవచ్చు. స్ట్రాబెర్రీలు, ఖర్జూరాలు, తేనె లేదా అరటిపండు వంటివి సహజ చక్కెరను శరీరానికి అందిస్తాయి. సంపూర్ణ ధాన్యాల బ్రెడ్, బీన్స్, చిలకడదుంపలు కార్బొహైడ్రేట్ ఆహారాలు. తక్కువ కొవ్వు కల పాలు, మీగడ వంటివి కూడా తగినంతగా తినవచ్చు. పీచు అధికంగా వుండే, గుండెకు మేలు చేసే చేప, బ్రౌన్ రైస్ లను చక్కటి ప్రత్యామ్నాయ ఆహారాలుగాను డయాబెటిక్ ఆహారంగాను తినవచ్చు. ఈ ఆహారాలు తినడం ఆచరిస్తే, బరువు పెరగకుండా సహజ చక్కెరలతో మంచి ఎనర్జీ పొంది, రోజంతా చురుకుగా వుండవచ్చు.
