పొట్టిగా వున్నానని భావిస్తున్నారా? ఎత్తు పెరగటంలో చేసిన ప్రయత్నాలన్నీ విఫలం అయ్యాయా? అయితే, మీ ఎత్తును పెంచే కొన్ని ఆహారాలు సూచిస్తున్నాం పరిశీలించండి. ఎత్తును పెంచే హర్మోన్ పిట్యూటరీ గ్రంధినుండి వస్తుంది. దీనికి ప్రొటీన్లు, పోషకాలు కావాలి. ఎత్తు పెరిగేందుకు కొన్ని ఆహారాలు చూడండి. విటమిన్ డి – ఎత్తు పెరగాలంటే ప్రధానంగా ఇది కావాలి. విటమిన్ డి అధికంగా వుండే చేపలు, ధాన్యాలు, గుడ్లు, టోఫు, పాలు, సోయా బీన్స్, మష్ రూమ్స్, బాదం పప్పులు తినండి.
ప్రొటీన్ – ప్రొటీన్లు అధికంగా వుండే ఆహారాలలోని ఎమినో యాసిడ్లు మంచి శరీర ఎదుగుదలనిస్తాయి. పాలు, ఛీజ్, పచ్చని బీన్స్, వాటర్ మెలన్, స్క్వాష్, చేపలు టునా, సల్మాన్, మాంసం, లీన్ బీఫ్, కాయ ధాన్యాలు, చికనెన్, ఓట్ మీల్ , సోయా బీన్స్ వంటివి తినాలి. విటమిన్ ఎ – విటమిన్ ఎ అధికంగా వుండే బీట్ రూట్, గోంగూర, కేరట్లు, చికెన్, బొప్పాయి, పీచ్, పాలు, టమాటాలు, బఠాణీలు, బాదం పప్పు లేదా వెజిటబుల్ జ్యూస్ వంటివి తినవచ్చు.
కాల్షియం – ఎముకలు బలంగా ఎదగాలంటే కాల్షియం అధికంగా వుండే ఆహారాలు పాలు, జున్ను, పెరుగు, గుడ్లు వంటివి తీసుకోవాలి. మినరల్స్ – ఎత్తు సహజంగా పెరగాలంటే, మినరల్స్ అధికంగా వున్న పచ్చటి బీన్స్, బ్రక్కోలి, గోంగూర, కేబేజి, సొరకాయ, కేరట్, గింజ ధాన్యాలు, అరటిపండ్లు, ద్రాక్ష, మొదలైనవి తినాలి. ఈ ఆహారాలను క్రమం తప్పకుండా తింటూ, తగిన వ్యాయామాలు చేస్తే ఎత్తు సహజంగా, తేలికగా పెరుగుతారు.
