Sr NTR : నందమూరి తారక రామారావు.. ఈ పేరుకే ఓ చరిత్ర ఉంది.. తెలుగు సినిమా చరిత్రలో తనకంటూ ప్రత్యేకమైన పేజీని లిఖించుకున్న మహానటుడు ఎన్టీఆర్. ఆయన పేరు చెబితే పులకించని తెలుగువాడు లేడనే చెప్పాలి. నటుడిగానే కాదు రాజకీయ నాయకుడిగాను ఎందరో ప్రేక్షకుల మనసులు గెలుచుకున్న ఎన్టీఆర్ ఇతరుల కన్నా ప్రత్యేకంగా ఉండేవారు. ప్రతి విషయంలోను తనకంటూ ప్రత్యేకతను సంతరించుకున్న ఎన్టీఆర్ అనేక మందితో అనేక రకాలుగా పిలిపించుకునేవారు. తాపీనేని రామారావు ఎన్టీఆర్ ను రామారావు గారు అని సంబోధించేవారు. కమలాకర కామేశ్వర రావు ఎన్టీఆర్ ను ఫన్నీగా దొంగ రాముడు అని పిలుచుకునేవారు.
ఇక ఎన్టీఆర్ ను ఎంతగానో ప్రేమించేవారు అన్నగారు అని పిలిచేవారు. అయితే ఎన్టీఆర్ ను తొలిసారి అన్నగారు అని పిలిచిన వ్యక్తి దాసరి నారాయణరావు. దాసరిగారే ఎన్టీఆర్ కు అన్నగారు అని పేరు పెట్టారు. స్పీచ్లలో దాసరి.. ఎన్టీఆర్ని అన్న పిలవడంతో మిగతా వారు కూడా అన్న అని పిలుస్తూ ఉన్నారు. మీడియా కూడా ఎన్టీఆర్ని అన్న అని సంబోధించడంతో ఆ పేరు అలా నిలిచిపోయింది. అభిమానులు, శ్రేయోభిలాషులు, అందరూ ఎన్టీఆర్ ని అన్న లేదంటే బ్రదర్ అని పిలిచే వారు. ఇక సినిమాల విషయంలో షూటింగ్ కి వెళ్లేటప్పుడు కూడా ఒకరి వల్ల ఏ ఒక్కరూ ఇబ్బంది పడకూడదన్న సిద్ధాంతంతో వెళ్లేవారట ఎన్టీఆర్.
ఉదయం 6 గంటలకు షూటింగ్ ఉందంటే 5 గంటల 45 నిమిషాలకు సెట్ కు చేరుకునేవారట. ఇప్పుడు బాలయ్య కూడా అదే టైమింగ్ పాటిస్తారు. ఎన్టీఆర్ గురించి ఎంత చెప్పినా తక్కువే. ఆయన పేరు చెబితే పులకించని తెలుగువాడు ఉండడేమో..? ఈయన దూరమై 26 ఏళ్లు అవుతున్నా కూడా ఇప్పటికీ ఆయన గుర్తుల్లోనే ఉన్నారు తెలుగు జనం. ఇటీవల ఈ మహానటుడి శత జయంతి సందర్భంగా ఆయనకు సంబంధించిన ఎన్నో విషయాలు బయటకు వచ్చాయి.
