సూపర్ స్టార్ మహేష్ బాబు కెరీర్లో మంచి హిట్ చిత్రాలు ఉన్నాయి, అలానే ఫ్లాప్స్ కూడా ఉన్నాయి. మహేష్ బాబు కెరీర్ లో భారీ అంచనాలతో వచ్చి ఫ్లాప్ అయిన సినిమా అతిధి. ఈ సినిమా గురించి ఎంత చెప్పినా తక్కువే. సంక్రాంతి కానుకగా వచ్చిన ఈ సినిమా అప్పట్లో అతిపెద్ద ఫ్లాప్ గా మారింది.. మహేష్ బాబు కెరీర్ లో ఈ సినిమా చాలా దారుణం అని ఇప్పటికి కూడా చాలా మంది చెబుతుంటారు. ఈ సినిమాను మహేష్ బాబు అనవసరంగా చేసాడు అని చాలా మంది ఇప్పటికి అనే వాళ్ళు ఉన్నారు. సినిమా కథ చాలా మందికి ఎక్కలేదు ఒకటి అయితే సినిమాలో కొన్ని కొన్ని సన్నివేశాలు ఇబ్బంది పెట్టాయి.
అనవసరంగా కథలో లేని పోనీ వి యాడ్ చేసి సినిమా చేసారు అని , అందుకే సినిమా ఫ్లాప్ అయింది అని అంటూ ఉంటారు. అయితే ఈ సినిమాలో సంగీతం మాత్రం సినిమాకు న్యాయం చేసింది అనే మాట స్పష్టంగా చెప్పవచ్చు. అతిథి సినిమా అప్పట్లోనే హై టెక్నికల్ బ్యాక్ గ్రౌండ్ తో తెరకెక్కగా, కొన్ని అనవసరమైన సీన్స్ పెట్టి మూవీ నిడివి మూడు గంటలు ఉండడం ప్రేక్షకులను నిరాశపరిచిందని చెప్పవచ్చు.క్లైమాక్స్ ప్రేక్షకులకి ఏ మాత్రం ఎక్కలేదు. ముఖ్యంగా చిన్న పాప చనిపోవడం చాలామంది అభిమానులను హర్ట్ చేసింది.అతిధి సినిమాలో ఎంటర్టైన్మెంట్ కు ఆస్కారం ఉన్నా కానీ డైరెక్టర్ అది మిస్ చేశారు. దీనివల్ల ప్రేక్షకులకు కాస్త బోరింగ్ అనిపించింది.
మణిశర్మ అందించిన మ్యూజిక్ చాలా బాగుంటుంది కానీ సాంగ్స్ అంతగా ఆకట్టుకోలేదు. ఇందులో ఒకే ఒక్క సాంగ్ సత్యం ఏమిటో అనేది కాస్త అలరించింది. అతిథి సినిమా తర్వాత మహేష్ బాబు కూడా చాలా జాగ్రత్త పడి ప్రయోగాల విషయం అనగానే కాస్త వెనక్కు తగ్గే వాతావరణం అయితే మనం చూసాం అనే చెప్పాలి. ఇప్పటికి మహేష్ బాబు లో ఆ భయం ఉంది. ఇటీవల వరుస సక్సెస్లతో దూసుకుపోతున్న మహేష్ బాబు ప్రస్తుతం రాజమౌళి దర్శకత్వంలో ఓ మూవీ చేస్తున్నాడు.
