Chiranjeevi : టాలీవుడ్ సినీ ఇండస్ట్రీలో మెగాస్టార్ చిరంజీవికి ఇంతటి క్రేజ్ రావడానికి ఆయన ఎంతో కష్టపడ్డారనే విషయం అందరికీ తెలిసిందే. కెరీర్ మొదట్నుండి ఇప్పటివరకు ఎన్నో విలక్షణమైన పాత్రల్లో నటించి స్పెషల్ ఇమేజ్ ను దక్కించుకున్నారు. తనకు ఎలాంటి సినీ బ్యాక్ గ్రౌండ్ లేకున్నా ఇంతటి విజయాన్ని సొంతం చేసుకున్నారు. స్వయంకృషితో ఉన్నతంగా ఎదిగిన ఘనత చిరంజీవికే దక్కుతుంది. తాను సెలెక్ట్ చేసుకున్న పాత్ర ఎలాంటిదైనా.. ఎంత కఠినంగా ఉన్నా ఆ పాత్రకు పూర్తిస్థాయి న్యాయం చేయాల్సిందే.
అంతటి హార్డ్ వర్క్ చేశారు కనుకే టాలీవుడ్ సినీ ఇండస్ట్రీకి మెగాస్టార్ గా నిలిచారు. అంతకు మించిన స్టార్ డమ్ తెచ్చుకున్నారు. అలాంటి మెగాస్టార్ ను ఓ హీరోయిన్ చెంపదెబ్బ కొట్టింది. అలా కొట్టడంతో చిరు చెంప వాచిపోయింది. రాధిక హీరోయిన్ గా, మెగాస్టార్ చిరంజీవి హీరోగా నటించిన న్యాయం కావాలి సినిమా బ్లాక్ బస్టర్ గా నిలిచిన విషయం తెలిసిందే. ఈ సినిమాలో చిరంజీవి.. రాధికను మోసం చేసే పాత్రలో నటించారు. అలా ఓ సందర్భంలో చిరంజీవిని చెంపపై కొట్టాల్సి వస్తుంది. ఆ సమయంలో రాధిక.. చిరంజీవిని కాస్త గట్టిగా కొట్టారట.
ఈ సీన్ లో రాధిక అభ్యంతరం తెలిపినా.. సీన్ రియాలిటీ కోసం ఇలా చేయాల్సిందేనని చిరంజీవి పట్టు పట్టారట. అందుకే రాధిక అంత గట్టిగా కొట్టడం జరిగింది. ఆ తర్వాత చిరంజీవి చెంప దెబ్బకి వాచిపోయిందట. దాంతో ఒక్కసారిగా అక్కడున్నవారంతా షాక్ అయ్యారు. ఏది ఏమైనా చిరంజీవి డెడికేషన్ కి అక్కడున్న వారంతా ఫిదా అయ్యారు. అందుకే చిరంజీవికి అభిమానుల్లో విపరీతమైన ఫాలోయింగ్ ఏర్పడింది. ఆ తర్వాత చిరు సినీ కెరీర్ లో ఎన్నో సినిమాల్లో తన పాత్ర కోసం ఎన్నో రియల్ సంఘటనల్ని ఎదుర్కొన్నారు.
