కలెక్షన్ కింగ్ మోహన్ బాబు హీరోగా రవిరాజా పినిశెట్టి దర్శకత్వంలో వచ్చిన పెదరాయుడు సినిమా ఎంత పెద్ద హిట్ అయిందో ప్రత్యేకంగా చెప్పనక్కర్లేదు. పాతికేళ్ళ క్రితం వచ్చిన ఈ సినిమా దెబ్బకు అప్పటి వరకు ఉన్న రికార్డులు అన్నీ కనుమరుగు అయ్యాయి అనే చెప్పాలి.. ఈ సినిమాలో మోహన్ బాబు పాత్ర హైలెట్ అనుకుంటే 20 నిమిషాల పాటు కనపడే రజనీ కాంత్ పాత్రతో సినిమా మరో రేంజ్ కు వెళ్ళింది. తమిళ సినిమా హక్కులను రజనీ కాంత్ సలహాతో కొనుగోలు చేసిన మోహన్ బాబు… తన సొంత బ్యానర్ లోనే ఈ చిత్రాన్ని నిర్మించారు. ఇంటి పెద్దకు ఎంత విలువ ఉంటుంది అనేది ఈ సినిమాలో చూపిస్తారు.
అయితే ఈ సినిమాకి పోటీగా మెగాస్టార్ చిరంజీవి తన చిత్రాన్ని రిలీజ్ చేయడంతో ఆయనకి ఇది ఒక చేదు జ్ఞాపకం మిగిల్చింది అంటారు విశ్లేషకులు. జూన్ 15 1995 పెదరాయుడు విడుదల కాగా… సినిమాపై పెద్దగా అంచనాలు లేవు. ఈ క్రమంలో మెగాస్టార్ చిరంజీవి తన బిగ్బాస్ సినిమా విడుదల చేశారు. అయితే చిరు సినిమా విడుదల చేయడంతో పెదరాయుడు సినిమా పరిస్థితి ఏంటి అని కంగారు పడ్డారు. మొదటి వారంలోనే సీన్ రివర్స్ అయింది. సినిమా ఫలితం చూసి అందరూ అవాక్కయ్యారు. బిగ్ బాస్ సినిమా కంటే పెదరాయుడు సినిమాకే మంచి క్రేజ్ రావడంతో థియేటర్లు పెరిగినా టికెట్ల కోసం జనాలు కొట్టుకునే పరిస్థితి వచ్చింది. ప్రింట్ల సంఖ్య కూడా భారీగా పెంచాల్సిన పరిస్థితి వచ్చింది.
పెద్దరాయుడు సినిమాకి వచ్చిన డబ్బు లెక్కపెట్టుకోవడానికి మిషన్లు కావాలి అనేంతగా ఈ సినిమాకి కలెక్షన్లు వచ్చాయి. ఈ ధాటిని తట్టుకోలేకపోవడంతో.. చిరంజీవి బిగ్బాస్ జెండా ఎత్తాడు. అప్పటిదాకా ఘరానా మొగుడు సినిమాపై ఉన్న రికార్డులన్నింటీనీ పెదరాయుడు తిరగరాయడంతో పాటు ఈ చిత్రం 39 కేంద్రాల్లో శతదినోత్సవం జరుపుకుంది. సినిమాలో నటించిన సౌందర్యకు మంచి పేరు వచ్చింది. ఇప్పటికి సినిమా టీవీ లో వచ్చినా మిస్ కాకుండా చూస్తారు. అలా చిరంజీవి వంటి స్టార్ హీరోకు మోహన్ బాబు అప్పట్లో పెద్ద రాయుడుతో గట్టిషాకే ఇచ్చారు.
