Krishna : సూపర్ స్టార్ కృష్ణ మరణంతో తెలుగు సినీ లోకం తీవ్ర దిగ్భ్రాంతికి లోనైన విషయం తెలిసిందే.. తండ్రి మరణం మహేశ్ బాబును కలచివేసింది. మహేశ్ బాబుతో పాటు ఆయన కుటుంబ సభ్యులు దుఃఖ సంద్రంలో మునిగిపోయారు. ఇండస్ట్రీలో కృష్ణ మంచితనానికి మారు పేరుగా నిలిచారు. ఎంతోమందికి సాయపడ్డారు. డబ్బులకు విలువ ఇవ్వకుండా మనుషులకే ప్రాధాన్యత ఇస్తూ వచ్చారు.. అందుకే కృష్ణవేల కోట్ల ఆస్తులు కూడబెట్టకపోయినా.. లక్షలాది మంది అభిమానాన్ని సంపాదించుకున్నారు. అప్పట్లోనే హైయెస్ట్ రెమ్యూనరేషన్ తీసుకుంటున్న హీరోగా రికార్డ్ బద్దలు కొట్టాడు కృష్ణ.
మహేష్ తల్లి ఇందిరా దేవీకి, కృష్ణకు ఆస్తి విషయంలో అనేక గొడవలు జరిగాయని అప్పట్లో వార్తలు వచ్చాయి. అయితే సూపర్ స్టార్ కృష్ణ తన రెండో భార్య విజయ నిర్మల చనిపోయిన తరువాత తనతో ఎలాంటి బంధంలేని నరేష్ కుటుంబంతో ఉన్నారు. అలా ఉండడం అందరిని ఆశ్చర్యపరచింది. దీనికి ఓ సారి సమాధానం ఇచ్చిన కృష్ణ.. తనకు ఎలాంటి అవసరం వచ్చిన క్షణాల్లో అది చేసి పెట్టేది కేవలం నరేష్ మాత్రమే అని చెప్పుకొచ్చారు.. అంతేకాదు.. అతను షూటింగ్ లో ఉన్నా కూడా తన కోసం ఎప్పుడూ ఆలోచిస్తాడని, ఫోన్ చేయగానే పరుగెత్తుకుంటూ వస్తాడని చెప్పుకొచ్చాడు.
మహేష్ స్టార్ హీరోగా బిజీ అయిన నేపథ్యంలో అతనికి సంబంధించిన కొన్ని బాధ్యతలను నమ్రత చూసుకుంటుంది. ఆ సమయంలో మహేష్పై భారం పెట్టడం ఇష్టం లేక వారికి భారంగా ఉండకూడదని నరేష్ ఇంట్లో ఉన్నాడని టాక్. విజయ నిర్మల మరణించిన తరువాత కూడా నరేష్ అతని బాగోగులను దగ్గర ఉండి చూసుకున్నాడు. ఆమె లేని లోటు కూడా తెలియకూడదని ఆరాటపడ్డాడు. ఒంటరితనం అతడిని బాధ పెడుతున్నప్పటికీ నరేష్ మాత్రం చేయాల్సింది అంతా చేసేశాడు. కృష్ణ అంత్యక్రియల సమయంలోను నరేష్ దగ్గరుండి అన్ని ఏర్పాట్లు చూసుకున్నాడు.
