ఇప్పటికే నందమూరి కుటుంబంలో మూడవతరం హీరోలలో కళ్యాణ్ రామ్, ఎన్టీఆర్ స్టార్ హీరోలుగా ఎదిగారు. ఈ కోవలోనే నందమూరి బాలయ్య ముద్దుల కొడుకు మోక్షజ్ఞ కూడా ఇండస్ట్రీలోకి హీరోగా గ్రాండ్ గా ఎంట్రీ ఇస్తారని అనేక వార్తలు వినిపిస్తున్నాయి. ఆయన ఎంట్రీ కోసం అభిమానులంతా ఆత్రుతగా ఎదురుచూస్తున్నారు. ఇప్పటికే చాలామంది ఆయన మొదటి సినిమా బాలకృష్ణ డైరెక్షన్లో ఉంటుందని, లేదంటే మరికొంతమంది బాలకృష్ణ కీలక పాత్రలో చేస్తున్నారని ప్రచారాలు చేస్తున్నారు.
అంతేకాకుండా ఆదిత్య 369 సినిమాకి సీక్వల్ గా ఆదిత్య 999 సినిమాలో మోక్షజ్ఞ ఎంట్రీ ఇవ్వబోతున్నట్టు సోషల్ మీడియాలో వార్తలు చక్కర్లు కొడుతున్నాయి. ఈ తరుణంలోనే మోక్షజ్ఞ ఎంట్రీ గురించి ప్రముఖ జ్యోతిష్కుడు వేణు స్వామి ఒక ఇంటర్వ్యూలో మాట్లాడుతూ ఇలా అన్నారు.. మోక్షజ్ఞ సినిమా ఎంట్రీ చాలా లేటుగా ఉంటుంది కావచ్చు అని, ఆయన ఇండస్ట్రీకి రావడం పక్కా. ఆయన కూడా నందమూరి హీరోలలో ఒకరిగా సక్సెస్ అవుతారు. అయితే ఈ కుటుంబంలో కేవలం సినీ ఇండస్ట్రీ కాకుండా రాజకీయం కూడా ఉంది.
కాబట్టి మోక్షజ్ఞ రాజకీయాల్లోకి వెళ్లినా అంతగా ఫలితం ఉండదు. రాజకీయాలు ఈయనకు కలిసి రావు. కానీ సినిమాల్లోకి వస్తే ఖచ్చితంగా పెద్ద స్టార్ అయిపోతారు. కాస్త ఆలస్యం కావచ్చు కానీ తన తండ్రిలాగే మంచి స్టార్డమ్ సంపాదించుకుంటారు అంటూ మోక్షజ్ఞ జాతకం గురించి వేణుస్వామి కామెంట్స్ చేశారు. ప్రస్తుతం ఆమె చేసిన కామెంట్స్ సోషల్ మీడియాలో వైరల్ గా మారాయి.
