వాస్తు శాస్త్రాన్ని భారతీయులు ఎంతో బలంగా విశ్వసిస్తూ ఉంటార‌నే విష‌యం మ‌న‌కు తెలిసిందే. ఇంటి నిర్మాణంతో పాటు ఇంట్లో అలంక‌రించుకునే విష‌యంలో కూడా వాస్తు శాస్త్రాన్ని బలంగా న‌మ్ముతుంటారు.అయితే ఇంటిని అలంకరించే వస్తువుల్లో ఏనుగులు కూడా ఒకటి. ఎవరి ఇంట్లో అయినా అలంకరణ వస్తువుల్లో ఏనుగులు కూడా ఒకటి. ఇంట్లో అలంకరణ వస్తువుగా ఉన్నటువంటి ఏనుగు బొమ్మలు వాస్తు పరంగా మన ఇంటికి ఎన్నో శుభ ఫలితాలను కలిగిస్తాయి. ముఖ్యంగా ఏనుగు విగ్రహాలను వాస్తు ప్రకారం ఇంటిలో కనుక అలంకరిస్తే మన ఇంటిపై ఏ విధమైనటువంటి చెడు ప్రభావం పడదని నిపుణులు చెబుతున్నారు.
ఇంటి ప్రధాన ద్వారంపై ఏనుగు విగ్రహాన్ని ఉంచడం వల్ల సానుకూలత పెరుగుతుంది. పనిలో విజయం, జీవితంలో పురోగతికి సహాయపడుతుంది. హిందూమతంలో కూడా, ఏనుగులను మంగళకరమైనవి, వినాయకుని చిహ్నంగా పరిగణిస్తారు.ఏనుగు విగ్రహం మన ఇంటిలో కనుక ఉంటే మన ఇంటిపై ఎలాంటి నెగటివ్ ప్రభావం లేకుండా అన్ని అనుకూల వాతావరణ పరిస్థితులు ఏర్పడతాయి.తొండం పైకి ఎత్తుకొని ఉన్నటువంటి ఏనుగు విగ్రహాలను ఇంటి ప్రధాన ద్వారం ముందు పెట్టడం వల్ల మన ఇంట్లో అన్ని శుభ ఫలితాలే కలుగుతాయని ఎలాంటి చెడు దృష్టి మన ఇంటిపై ఉండదని పండితులు చెబుతున్నారు.
ఇంట్లో కూడా ఏనుగు విగ్రహాలను ఉత్తర దిశలో పెట్టడం వల్ల అనారోగ్య సమస్యలతో బాధపడే వారికి అనారోగ్య సమస్యల నుంచి విముక్తి పొందవచ్చు. ఇక వ్యాపారంలో ఎలాంటి నష్టాలు లేకుండా వ్యాపారం ఎంతో అభివృద్ధి చెందుతుంది. కొందరు ఇళ్లల్లో వెండి ఏనుగు విగ్రహాలను పెట్టుకుంటారు. ఆర్థిక స్తోమత లేనివారు సాధారణమైన ఏనుగు విగ్రహాలను కూడా పెట్టుకోవచ్చు.ఇతర రంగుల కంటే తెల్ల ఏనుగు విగ్రహాలు ఉంటే ఇంట్లో ప్ర‌శాంత‌త‌కి లోటు ఉండదు.అదృష్టం, జ్ఞానం చిహ్నంగా పరిగణించబడుతుంది. ఇంటిని రక్షించడానికి ఇంటి ప్రధాన ద్వారంలో ఏనుగు విగ్రహాన్ని ఉంచుతారని నమ్ముతారు. పడకగదిలో ఏనుగు పిల్ల ఉన్న తల్లి ఏనుగు విగ్రహాన్ని ఉంచడం వల్ల ఆ ఇంట్లో సంతోషం పెరుగుతుంది. తెల్ల ఏనుగు విగ్రహాన్ని ఉంచడం మరింత శుభప్రదంగా పరిగణించబడుతుంది.
