మ‌న ఇంటి ప‌రిస‌ర ప్రాంతాల‌లో దొరికే గుమ్మ‌డికాయ‌తో అనేక ర‌కాల వెరైటీస్ చేసుకోవ‌చ్చు.గుమ్మడి కాయతో.. దప్పలం, సూప్‌, కూర, స్వీట్‌ చేసుకుని తింటాం. గుమ్మడి కాయతో వెరైటీ వంటకాలు చేసుకుని లోపలి గింజలు తీసి బ‌య‌ట ప‌డేస్తుంటారు చాలా మంది. కాని ఆ గింజలలో పోష‌కాలు చాలా ఉంటాయి.గుమ్మడి గింజల్లో మెగ్నీషియం, ప్రొటీన్, జింక్, ఐరన్ పుష్కలంగా ఉంటాయి. గుమ్మడికాయ గింజలు విటమిన్లు A, C, E, బీటా కెరోటిన్, పొటాషియం, ఫైబర్ గొప్ప మూలం. ఇందులో ఒమేగా 6 ఫ్యాటీ యాసిడ్స్, విటమిన్ కె, ఫాస్పరస్, కాపర్, విటమిన్ బి2 మరియు పొటాషియం వంటివి కూడా పుష్కలంగా లభిస్తాయి.
గుమ్మడి గింజలలో యాంటీఆక్సిడెంట్, యాంటీ ఇన్ఫ్లమేటరీ, యాంటీమైక్రోబయల్, యాంటీ ఆర్థరైటిక్‌తోపాటు యాంటీ డయాబెటిక్ లక్షణాలున్నాయి. తరచూ.. గుమ్మడి గింజలు తీసుకుంటే.. అనేక అరోగ్య ప్రయోజనాలు ఉన్నాయని నిపుణులు చెబుతున్నారు.గుమ్మడి గింజల్లో మెగ్నీషియం పుష్కలంగా ఉంటుంది. నరాలు, కండరాల పనితీరులో మెగ్నీషియం ముఖ్యమైన పాత్ర పోషిస్తుంది. రోజూ గుమ్మడికాయ గింజలను తినడం వల్ల ఆరోగ్యకరమైన నాడీ వ్యవస్థను నిర్మించడంలో సహాయపడుతుంది. కండరాల నొప్పులు, తిమ్మిర్లు, నొప్పిని నివారిస్తుంది.గుమ్మడికాయ గింజల్లో ప్రోటీన్లు, ఆరోగ్యకరమైన కొవ్వులు, ఫైబర్ పుష్కలంగా ఉంటాయి. ఇది బరువు తగ్గడాన్ని ప్రోత్సహిస్తుంది. గుమ్మడి గింజల్లోని కెరొటినాయిడ్లు, విటమిన్ ఇ వంటి యాంటీఆక్సిడెంట్లు ఫ్రీ రాడికల్స్‌ నుంచి రక్షిస్తాయి.
గుమ్మడి గింజలు తరచుగా తీసుకుంటే.. గ్యాస్ట్రిక్‌, ప్రోస్టేట్, బ్రెస్ట్, లంగ్, పేగు కేన్సర్ల నుంచి రక్షణ లభిస్తుంది. మహిళలు గుమ్మడికాయ విత్తానాలను తరచుగా తీసుకుంటే బ్రెస్ట్ క్యాన్సర్ వచ్చే అవకాశాలు తక్కువగా ఉంటాయి. షుగర్‌ పేషెంట్స్‌కు గుమ్మడి గింజలు మేలు చేస్తాయని నిపుణులు చెబుతున్నారు. గుమ్మడి గింజల్లో యాంటీడయాబెటిక్‌ లక్షణాలు ఉన్నాయి. ఇవి రక్తంలో చక్కెర స్థాయిని కంట్రోల్‌లో ఉంచుతాయి. గుమ్మడికాయ విత్తనాలలో ట్రైగోనిలైన్, నికోటినిక్ యాసిడ్, డి-కైరో-ఐనాసిటాల్ అనే సమ్మేళనాలు సమృద్ధిగా ఉంటాయి. ఇవి రక్తంలో చక్కెర స్థాయిని కంట్రోల్‌లో ఉంచుతాయి.పురుషులు గుమ్మడికాయ గింజలను క్రమం తప్పకుండా తీసుకుంటే, వారి సంతానోత్పత్తి మెరుగుపడుతుంది. అలాగే ఇందులో ఉండే జింక్ అకాల స్కలన సమస్యలు, లైంగిక ప్రేరణతో సహా సంతానోత్పత్తి సమస్యలను తొలగిస్తుంది.నిపుణుల అభిప్రాయం ప్రకారం నిద్రపోయే ముందు కొన్ని గుమ్మడికాయ గింజలు తినడం చాలా మంచిది. రాత్రిపూట గుమ్మడికాయ గింజలను తీసుకోవడం వల్ల ఒత్తిడి తగ్గుతుంది, నిద్ర మెరుగుపడుతుంది.
