చర్మంపై ఉండే రంధ్రాల్లో నూనె, దుమ్ము, మృత కణాలు పేరుకుపోతే బ్లాక్ హెడ్స్ ఏర్పడతాయి. ఇవి చాలా మొండిగా ఉంటాయి. ఒక పట్టాన పోవు. తీసేకొద్దీ మళ్లీ వస్తూనే ఉంటాయి. అయితే కోడిగుడ్లను ఉపయోగించి బ్లాక్ హెడ్స్ సమస్య నుంచి బయట పడవచ్చు. అందుకు గాను గుడ్డులోని తెల్ల సొనను ఉపయోగించాల్సి ఉంటుంది. ఈ క్రమంలోనే గుడ్డులోని తెల్ల సొనతో బ్లాక్ హెడ్స్ ను ఎలా తొలగించుకోవచ్చో ఇప్పుడు తెలుసుకుందాం.
1. గుడ్డులోని తెల్లని సొన, రెండు టీస్పూన్ల బేకింగ్ సోడాను కలిపి మిశ్రమంగా చేయాలి. దాన్ని ముఖంపై సున్నితంగా రాయాలి. ఐదు నిమిషాల పాటు మర్దనా చేశాక 10 నిమిషాలు ఆగి కడిగేయాలి. ఇలా వారంలో మూడు సార్లు చేయాలి. బ్లాక్ హెడ్స్ తొలగిపోతాయి.
2. రెండు టీస్పూన్ల ఓట్ మీల్, గుడ్డులోని తెల్లని సొనను తీసుకుని బాగా కలపాలి. దాన్ని ముఖంపై చేతులతో రాయాలి. ముఖంపై ఆ మిశ్రమాన్ని వృత్తాకారంలో రాయాలి. 10-15 నిమిషాలు ఆగాక నీటితో కడిగేయాలి. ఇలా వారంలో మూడు సార్లు చేస్తే సమస్య తగ్గుతుంది.
3. ఒక టీస్పూన్ తేనె, గుడ్డులోని తెల్ల సొన కలిపి మిశ్రమంగా చేసి దాన్ని ముఖంపై ఫేస్ మాస్క్లా రాయాలి. 20 నిమిషాలు ఆగాక కడిగేయాలి. ఇలా రోజూ చేస్తుంటే బ్లాక్ హెడ్స్ తగ్గిపోతాయి.
4. అర టీస్పూన్ చక్కెర, గుడ్డులోని తెల్లసొన తీసుకుని బాగా కలిపి మిశ్రమంగా చేసి దాన్ని ముఖంపై వృత్తాకారంలో రాయాలి. మసాజ్ చేశాక 10 నిమిషాలు ఆగి కడిగేయాలి. తరచూ ఇలా చేస్తుంటే బ్లాక్ హెడ్స్ తొలగిపోతాయి.
