పవర్ స్టార్ పవన్ కళ్యాణ్.. ఈ పేరు చెబితేనే అభిమానుల్లో పూనకాలు లోడ్ అవుతాయి. టాలీవుడ్ సినీ ఇండస్ట్రీలో ఆయనకంటూ ఓ ప్రత్యేకమైన స్టైల్ ను క్రియేట్ చేశారు. పవన్ కళ్యాణ్, చిరంజీవి తమ్ముడిగా సినీ ఇండస్ట్రీకి పరిచయం అయ్యారు. 1996 లో రిలీజ్ అయిన అక్కడ అమ్మాయి ఇక్కడ అబ్బాయి సినిమాతో ఎంట్రీ ఇచ్చిన పవన్ కళ్యాణ్.. ఆయన సినీ కెరీర్ లో బ్యాక్ టు బ్యాక్ బ్లాక్ బస్టర్ ల‌లో యాక్ట్ చేశారు. పవన్ కళ్యాణ్ 24 ఏళ్ల సినీ కెరీర్ లో యాక్ట్ చేసిన సినిమాలు 25 మాత్రమే. అయినా కూడా టాప్ స్టార్ గా నిలిచారు. ఆయన కెరీర్ లో కొన్ని సినిమాల్ని మధ్యలోనే ఆపేశారు. అలా ఆగిపోయిన పవన్ కళ్యాణ్ సినిమాలు ఏవో ఇప్పుడు చూద్దాం.
సత్యాగ్రహి.. ఈ సినిమా టైటిల్ ను చూడగానే అభిమానులు తెగ సంబరపడ్డారు. మరో హైలెట్ ఏంటంటే డైరెక్షర్ గా కూడా పవన్ కళ్యాణ్ చేయాలనుకుని కథను కూడా సిద్ధం చేశారు. కానీ కొన్ని కారణాల వల్ల ఈ సినిమా మధ్యలోనే ఆగిపోయింది. ఈ టైటిల్ ఇప్పటికీ పవన్ కళ్యాణ్ పేరు మీదే రిజిస్టర్ అయ్యింది. నెక్ట్స్ దేశి అనే సినిమాను కూడా పవన్ కళ్యాణ్ తెరకెక్కించాలనుకున్నారు. ప్రీ ప్రొడక్షన్ పనులు కూడా అయ్యాక, ఈ ప్రాజెక్ట్ ను పక్కన పెట్టారు. కథకు ప్రాధాన్యత ఇచ్చేలా జీసస్ స్టోరీని తెరకెక్కించాలని ప్రిన్స్ ఆఫ్ పీస్ అనే సినిమాను కూడా ప్లాన్ చేశారు. ఈ సినిమాను 2010 లో స్టార్ట్ చేసి, జెరోసలేం లో ఓ షెడ్యూల్ అయ్యాక అనుకోకుండా ఆగిపోయింది.
పవర్ స్టార్ పవన్ కళ్యాణ్ ఫ్యాన్స్ లో హైప్ క్రియేట్ చేసిన మరో మూవీ కోబలి. ఈ సినిమాకు డైరెక్టర్ త్రివిక్రమ్ శ్రీనివాస్. సోషియో ఫాంటసీ కథను సిద్ధం చేసుకున్నారు. అయితే ఈ సినిమా స్క్రిప్ట్ డెవెలెప్ చేస్తున్నప్పుడే పక్కకు పెట్టేశారు. చెప్పాలని ఉంది. ఎం.ఎం. రత్నం శ్రీసూర్య మూవీస్ లో పవన్ కళ్యాణ్ తో ఓ ప్రాజెక్ట్ ను స్టార్ట్ చేశారు. పవన్ కళ్యాణ్, అమీషా పటేల్ తో కొన్ని సీన్స్ ను కూడా తెరకెక్కించారు. తర్వాత ఇదే స్టోరీతో నువ్వే కావాలి అనే సినిమాను రామోజీరావు ప్రొడ్యూస్ చేయగా, బ్లాక్ బస్టర్ హిట్ గా నిలిచింది.
