ఒకప్పుడు ఇండస్ట్రీలో బాలనటుడిగా అద్భుతమైన పాత్రలో నటించి తర్వాత ఇండస్ట్రీకి దూరమై కొంత మంది వివిధ పనుల్లో సెట్ అయిపోతూ ఉంటారు. కొంతమందేమో బాలనటుడిగా చేసి తర్వాత కూడా ఇండస్ట్రీలోనే హీరో హీరోయిన్ క్యారెక్టర్ ఆర్టిస్ట్ లుగా సెట్ అవుతుంటారు..
అయితే అలా చిన్నతనంలో సినిమాల్లో చేసి కొన్నేళ్లు ఎవరికీ కనపడకుండా ఉండి మళ్లీ ఏదో ఒక విధంగా బయటకు వచ్చినప్పుడు వారిని చూస్తే మనమంతా ఆశ్చర్యపోతాం. ఈ మాదిరిగానే బాలనటిగా జయం సినిమాలో నటించి మెప్పించిన అమ్మాయిని ఇప్పుడు చూస్తే షాక్ అవ్వడం ఖాయం.. ఇంతకీ ఆమె ఎవరో వివరాలు చూద్దాం.. అగ్ర దర్శకుడు తేజ దర్శకత్వంలో లవ్ బేస్ సినిమా జయం..
ఈమూవీ అప్పట్లో బాక్సాఫీస్ వద్ద మంచి హిట్ అయింది. నితిన్ హీరోగా, సదా హీరోయిన్ గా, గోపీచంద్ విలన్ పాత్రలో ఈ సినిమా అప్పట్లో రికార్డులు క్రియేట్ చేసింది. ఇందులో ముఖ్యంగా సదా చెల్లెలి పాత్రలో చేసిన అమ్మాయి పాత్ర మాత్రం ప్రత్యేకం అని చెప్పవచ్చు. ఎందుకంటే ఆమె అక్షరాలు తిప్పి రాయడంతో హైలెట్ గా నిలిచింది.. ఆ పాపకు ఈ పాత్ర కి గాను నంది అవార్డు కూడా వచ్చింది.. ఆ పాప పేరు యామిని శ్వేత.. ఈమె ప్రముఖ సీరియల్ నటి జయలక్ష్మి కూతురు. ఈ మూవీ కంటే ముందు యామిని కొన్ని డైలీ సీరియల్స్ లో నటించింది.
అయితే జయం మూవీ తర్వాత పై చదువుల కోసం విదేశాలకు వెళ్లిన యామిని చదువు పూర్తయిన తర్వాత ఉద్యోగం కూడా చేసింది. ఆ తర్వాత వివాహం చేసుకొని సెట్ అయిపోయింది.. ప్రస్తుతం లైఫ్ ని ఎంజాయ్ చేస్తున్న యామిని కి ఒక పాప కూడా పుట్టింది. అయితే యామినికి తర్వాత కొన్ని సినిమా అవకాశాలు కూడా వచ్చాయట కానీ సున్నితంగా తిరస్కరించింది.. అదేవిధంగా నంది అవార్డు తీసుకున్నప్పుడు యామినికి వచ్చిన పారితోషికాన్ని వికలాంగులు ఆశ్రమానికి దానం చేసిన గొప్ప మనస్తత్వం కలిగిన నటి. అలాంటి యామిని ఇప్పుడు చూస్తే ప్రతి ఒక్కరు ఫిదా అవుతారు. జయం సినిమాలో పాప ఇంత అందంగా తయారయిందా అంటూ షాక్ అవుతారు.. మరి ఆమె ఎలా ఉందో మీరు కూడా ఓ లుక్కేయండి..
