టాలీవుడ్ చిత్ర పరిశ్రమలో హీరోయిన్లకు అస్సలు కొదువే లేదు. ఒక హీరోయిన్ కాకపోతే మరొక హీరోయిన్ సినిమాలు చేసేందుకు సిద్ధంగా ఉన్నారు. చాలామంది చాన్సుల కోసం ఎదురుచూస్తున్న హీరోయిన్లు కూడా ఉన్నారు. ఎక్కువగా చిత్ర పరిశ్రమంలో ముంబైకి చెందిన హీరోయిన్లు… టాలీవుడ్ చిత్ర పరిశ్రమను ఏలుతున్నారు. అయితే ఇంత పోటీలోనూ… తెలంగాణకు చెందిన కొంతమంది హీరోయిన్లు… సౌత్ ఇండియాను షేక్ చేశారు. ఇప్పుడు ఆ హీరోయిన్ల గురించి తెలుసుకుందాం.
నటి విజయశాంతి తన నటనతో, డ్యాన్స్ తో చిరంజీవి, ఎన్టీఆర్ లాంటి స్టార్ హీరోలకే చెమటలు పట్టించిన ఈ ముద్దుగుమ్మ తెలంగాణ బిడ్డ. వరంగల్ లో పుట్టిన విజయశాంతి చెన్నై లో చదువుకున్నారు. ఒసేయ్ రాములమ్మ, కర్తవ్యం, ప్రతిధ్వని, అడవి చుక్క లాంటి ఎన్నో సినిమాలలో నటించి బ్లాక్ బస్టర్ విజయాలను సొంతం చేసుకుంది. ఇక ప్రస్తుతం అక్క, వదిన, తల్లి పాత్రలు చేస్తూ బిజీగా గడుపుతున్నారు విజయశాంతి. సీనియర్ హీరోయిన్ సంగీత అందచందాలతో దక్షిణాదినే ఒక ఊపు ఊపింది. ఇక వరంగల్ కి చెందిన సంగీత సినిమాలలో మంచి అవకాశాలను అందుకున్నారు. ప్రస్తుతం హీరోయిన్ గా సినీ ఇండస్ట్రీకి గుడ్ బై చెప్పి తల్లిగా, అక్క,గా వదినగా పలు క్యారెక్టర్ ఆర్టిస్టు పాత్రలు చేస్తూ మంచి గుర్తింపు సంపాదించుకున్నారు.
ఈమె నటించింది ఒకటి రెండు చిత్రాలు అయినా ప్రేక్షకుల గుండెల్లో చిరస్థాయిగా మిగిలిపోయిన ముద్దుగుమ్మ కీర్తి రెడ్డి. తెలంగాణ, నిజామాబాద్ జిల్లాకు చెందిన ఈమె తొలిప్రేమ సినిమాతో ఎంట్రీ ఇచ్చి తొలిప్రేమలోనే యువతను కట్టిపడేసింది. మహేష్ బాబు నటించిన అర్జున్ సినిమాలో కూడా సోదరి పాత్రలో నటించింది. తెలంగాణలోని భువనగిరి ప్రాంతంలో జన్మించిన ప్రత్యూష కెరియర్ ప్రారంభంలో కలుసుకోవాలని అనే సినిమాలో హీరోయిన్ గా నటించింది. కొన్ని సినిమాలలో నటించినా చెరగని ముద్ర వేసుకున్న ఈ ముద్దుగుమ్మ తిరిగిరాని లోకాలకు వెళ్లిపోవడం చాలా బాధాకరమని చెప్పాలి.
ఈ రోజుల్లో అనే సినిమాతో హీరోయిన్ గా పరిచయమైన రేష్మ రాథోడ్ కూడా తెలంగాణలోని ఇల్లందు ప్రాంతానికి చెందినవారు. బాడీగార్డ్, లవ్ సైకిల్ వంటి సినిమాలలో హీరోయిన్ గా నటించింది.
