సంప్రదాయ విశ్వాసము ప్రకారము ఒక ఎత్తైన దానిపై కూర్చొని కాళ్ళు ఊపిన వారి తల్లిదండ్రులు ఆర్థిక ఇబ్బందుల్లో లేక అప్పుల్లో కూరుకుంటారు. ఈ నిషేధం ప్రధానంగా పిల్లలపై పూర్వకాలంలో విధించబడింది.
మొండి పిల్లలు ఈ విశ్వాసంలో అర్థం లేదని తమ పెద్దలతో అంటుంటారు. కానీ పెద్దలు తాము ఇతరుల ద్వారా విన్నదాన్నే చెప్పడం జరుగుతుంది.
ఈ విశ్వాసం మూఢంగా కనిపించినా, ఓ వాస్తవం కనిపొస్తోంది. అదేమిటంటే అలా పిల్లలు కాళ్ళను ఊపడం ద్వారా ఎంతో శక్తిని కోల్పోతారు. ఇది ఈ విశ్వాసానికి ఒక కారణం. మరో కారణం ఏమిటంటే పూర్వకాలంలో ఔషదాలు ఉంచిన పెట్టెలు, కాసుల పెట్టె, నూనెలు ఉంచిన పాత్రలు మొదలైన వస్తువులు నానమ్మ తాతలు మంచాల క్రింది దాచేవారు. వారికి తమలపాకులు, వక్కునమిలే అలవాటు ఉండేది. కాబట్టి ఉమ్మిని ఉమ్మే పాత్రలు కూడా మంచాల క్రింద ఉంచేవారు. ఒక వేళ పిల్లలు ఆ మంచాలపై కూర్చొని కాళ్ళూ ఊపినట్లయితే, మంచం క్రింద ఉన్న పాత్రలను లేదా వస్తువులను తన్ని విరగగొట్టాడమో, పగులగొట్టాడమో లేక దొర్లించడమో జరిగేది. ఆ కారణాల వల్ల పిల్లలపై ఇలాంటి నిషేధం పెట్టారు.
పెద్దల మాట వినని పిల్లలు, విలువైన వస్తువులను, మట్టి పాత్రలను కాళ్ళు ఊపుతూ తన్ని పగులగొడుతుండేవారు. తద్వారా ఈ ధన నష్టం వారి కుంటుంబానికి అప్పును కలిగించవచ్చు. తల్లిదండ్రుల అప్పుల పిల్లల‌కు కూడ వర్తించేవి కాబట్టి కుటుంబ క్షేమాన్ని దృష్టిలో ఉంచుకొని ఇలా ఎత్తైన వాటిపై కూర్చొని కాళ్ళు ఆడించరాదని పెద్దల మంచిమాట, అలాగే ఈ అలవాటు శక్తిని కూడా హరిస్తుంది.
