కేజిఎఫ్ సినిమాతో పాటుగా తెలుగు రాష్ట్రాల్లో అత్యధిక వసూళ్లు సాధించిన డబ్బింగ్ సినిమాలు అనేకమున్నాయి. ఈ సినిమాలకు ముందు తెలుగులో డబ్బింగ్ సినిమాలు అంతగా ఆడిన సందర్భాలు లేవు. కేజిఎఫ్ 2 మూవీతో తెలుగులో డబ్బింగ్ సినిమాలు సత్తా చాటాయి. అంతేకాకుండా తెలుగు రాష్ట్రాల్లో అత్యధిక ప్రీ రిలీజ్ బిజినెస్ చేసి, బ్రేక్ ఈవెన్ పూర్తి చేసుకుని సంచలనం రేపింది కే జి ఎఫ్.. ఇక ఈ లిస్టులో కాంతారా మూవీ చేరింది..
కే జి ఎఫ్ ఒక్క మూవీతో యష్‌ రేంజ్ ఎక్కడికో వెళ్ళిపోయింది. కొన్ని సంవత్సరాల క్రితం వరకు కేవలం కన్నడలోనే ఈ హీరో తెలుసు. కానీ ఈ మూవీ ద్వారా పాన్ ఇండియా లెవెల్లో గుర్తింపు సాధించాడు. ఈ మూవీ అత్యధిక వసూలు చేపట్టి రికార్డులు తిరగరాసింది. తెలుగులో ఈ సినిమా దాదాపుగా 78 కోట్ల ప్రీ రిలీజ్ బిజినెస్ కూడా చేసింది. అంతేకాకుండా తెలుగు రాష్ట్రాల్లో ఈ మూవీ 84.25 కోట్ల షేర్ రాబట్టి ఆల్ టైం రికార్డ్ సెట్ చేసింది. ఈ మూవీ తెలుగులో నెంబర్ వన్ ప్లేస్ లో నిలిచింది. అలాగే స్టార్ డైరెక్టర్ శంకర్ దర్శకత్వంలో రజనీకాంత్ హీరోగా వచ్చిన రోబో ప్రపంచవ్యాప్తంగానే 288 కోట్ల వసూలు చేసింది. ఈ సినిమా సౌత్‌ ఇండియా బిగ్గెస్ట్ మూవీస్ లో తొమ్మిదవ స్థానంలో నిలిచింది. తెలుగులో 36 కోట్ల షేర్ రాబట్టి మూడో స్థానంలో ఉంది.
విక్రమ్ : కమలహాసన్ హీరోగా నటించిన విక్రమ్ మూవీ తమిళనాడులో సంచలన విజయం అందుకుంది. తెలుగులో ఈ మూవీ 17.80 కోట్లు రాబట్టింది. ఓవరాల్ గా టాప్ 9 లో నిలిచింది. కాంతారా: రిషబ్ శెట్టి స్వీయ దర్శకత్వంలో ఆయన హీరోగా వచ్చిన మూవీ కాంతారా. ఈ చిత్రం కన్నడలో కేజిఎఫ్ రికార్డులను బద్దలు కొట్టి, తెలుగులో కూడా సంచలన విజయన్ని అందుకుంది. ఈ సినిమా 17కోట్ల షేర్( 30 కోట్ల గ్రాస్ ) వసూలు చేసింది.
