నటశేఖర సూపర్ కృష్ణ.. ఎన్నో అద్భుతమైన సినిమాలలో నటించి ఎంతో పేరు ప్రత్యేక పొందారు. 1942 మే 31న గుంటూరు జిల్లాలో జన్మించిన మన సూపర్ స్టార్.. తెనాలి పట్టణానికి నాలుగు కిలోమీటర్ల దూరంలో ఉన్న బుర్రిపాలెం అనే గ్రామం సూపర్ స్టార్ కృష్ణ స్వస్థలం. ఘట్టమనేని వీర రాఘవయ్య చౌదరి, నాగరత్న దంపతులకు పెద్దకొడుకుగా జన్మించారు కృష్ణ. మామూలు కుర్రాడిలా అందరిలానే ఎన్నో ఆశలతో పరిశ్రమలో అడుగుపెట్టిన అతి తక్కువ కాలంలోనే నటశేఖరుడిగా ఎదిగారు.
మాస్ హీరోగా, క్లాస్ హీరోగా, సూపర్ స్టార్ గా ఎదిగిన తీరు అనిర్వచనీయం. ఆదుర్తి సుబ్బారావు దర్శకత్వంలో సి సుందరం నిర్మాతగా బాబు మూవీస్ బ్యానర్ పై తెరకెక్కిన తేనె మనసులు సినిమా అప్పట్లో మంచి విజయాన్ని అందుకొని హీరోగా కృష్ణకు తొలి మూవీతోనే మంచి పేరును తెచ్చి పెట్టింది. ఈ క్రమంలో అప్పట్లో కృష్ణ తనని తాను పరిచయం చేసుకుంటూ ఓ లేఖ రాశారు. ప్రస్తుతం ఈ లెటర్ సోషల్ మీడియాలో వైరల్ గా మారింది. ఆ లేఖలో ఇలా రాసి ఉంది… రసిక ప్రపంచానికి నా వందనాలు. నా పేరు కృష్ణ. తేనె మనసులు చిత్రంలో పేరు బసవరాజు. సినిమాలో నటించాలన్న ఆశతో ఎన్నాళ్ళ నుంచో లెఫ్ట్, రైట్ కొడుతూ కలగంటున్న నాకు ఇన్నాళ్ళకి అది రంగు రంగుల కలగా ఈస్ట్ మాన్ కలర్ లో నిజమైంది.
కానీ దానికోసం దర్శకులు, డాన్స్ డైరెక్టర్లు నా చేత మూడు మసాలా పాటు అక్షరాల డ్రిల్ చేయించారు. నటన నేర్పించారు, డాన్సులు చేయించారు. చివరికి నా వేషం ఏంటి అని అడిగితే డ్రిల్ మాస్టర్ అని చెప్పారు. అయితే జీవితం డ్రిల్ కాకుండా జాగ్రత్తగా కాపాడుకున్నాను. మీరందరూ చూసి బాగోగులు చెప్పే క్షణం కోసం ఆశతో, ఆరాటంతో ఎదురు చూస్తున్నాను. ఉగాదికి నా శుభాకాంక్షలు అంటూ కృష్ణ స్వయంగా తనని తాను పరిచయం చేసుకుంటూ రాసిన ఈ లేఖ ప్రస్తుతం సోషల్ మీడియాలో వైరల్ గా మారింది.
