చిరంజీవి నటించిన పసివాడి ప్రాణం సినిమాలో ఈ చిన్నారి ఎవరో..? ఇప్పుడు ఎలా ఉందో తెలుసా..?

ఎలాంటి బ్యాగ్రౌండ్ లేకుండా తన ప్రతిభతో.. స్వయంకృషితో తెలుగు చిత్ర పరిశ్రమలో నటుడిగా తనకంటూ ఓ ప్రత్యేక గుర్తింపుని తెచ్చుకున్నారు మెగాస్టార్ చిరంజీవి. ప్రాణం ఖరీదు సినిమాతో సినీ ప్రస్థానం మొదలుపెట్టి.. ఎన్నో బ్లాక్ బస్టర్ హిట్స్ అందుకొని తెలుగు ప్రజల గుండెల్లో మెగాస్టార్ గా స్థానం సంపాదించుకోవడమే కాకుండా అన్నయ్యగా యువతకు చేరువయ్యారు. ఇప్పటివరకు ఏకంగా 150కి పైగా సినిమాలలో నటించి 60 ఏళ్ల వయసులో కూడా కుర్ర హీరోలకు పోటీ ఇస్తున్నాడు అని చెప్పాలి. ఆయన నటించిన సినిమాలలో దాదాపు అన్ని సూపర్ హిట్లే. అలా మెగాస్టార్ నటించిన సినిమాలలో మర్చిపోలేని చిత్రం పసివాడి ప్రాణం.

1987 జూలై 23న గీత ఆర్ట్ పతాకంపై అల్లు అరవింద్ నిర్మాణంలో కోదండరామిరెడ్డి దర్శకత్వంలో ఈ సినిమా వచ్చింది. ఈ చిత్రం సృష్టించిన ప్రభంజనానికి బాక్సాఫీస్ సరికొత్త లెక్కలు లిఖించుకుంది. ఈ సినిమా కథ మొత్తం రాజా అనే చిన్న బాబు చుట్టూ తిరుగుతుంది. అయితే మాటలు రాని ఆ చిన్నారి రాజా పాత్రలో నటించింది ఎవరో? ఇప్పుడు ఎలా మారిపోయిందో తెలిసి అందరూ షాక్ కి గురవుతున్నారు. ఈ సినిమాలో చిన్నారి పాత్రలో నటించింది ఎవరో కాదు సుజిత. ప్రస్తుతం ఈమె పలు టీవీ సీరియల్స్ లో ఆర్టిస్ట్ గా, పలు సినిమాలలో కూడా నటించి మెప్పించింది.

మెగాస్టార్ చిరంజీవి నటించిన జై చిరంజీవ సినిమాలో కూడా ఈమె చిరంజీవి చెల్లెలి పాత్రలో నటించింది. ఇక సీరియల్స్ లో వదినమ్మ సీరియల్ ఆమెకి బాగా గుర్తింపుని తెచ్చిపెట్టింది. వదినమ్మ సీరియల్ లో సీత పాత్రలో నటిస్తూ మెప్పించింది. అంతేకాక తెలుగు, తమిళ్, మలయాళ సినిమాలలో, టీవీ సీరియల్స్ లో నటించింది. ఇక పసివాడి ప్రాణం సినిమా కూడా ఎన్నో భాషలలో రీమేక్ అయినట్లు తెలుస్తోంది. కానీ సుజిత మాత్రం మూడు భాషలలో మాత్రమే నటించింది.