గోవిందుడు అందరివాడేలే చిత్రంలో రామ్ చరణ్ చెల్లిగా నటించిన ఈ అమ్మాయి ఇప్పుడు ఎలా ఉందో తెలుసా..?

టాలీవుడ్ లో ఒకప్పుడు చైల్డ్ ఆర్టిస్టులుగా నటించిన వాళ్లు చాలామంది ఇప్పుడు హీరోలు, హీరోయిన్లుగా పరిచయం అవుతున్నారు. ఇక మరికొందరు ఒకటి రెండు సినిమాలను చేసి ఆ తర్వాత కనిపించకుండా పోతున్నారు. మరికొంతమంది వివాహం చేసుకొని శాశ్వతంగా ఇండస్ట్రీకి దూరం అయ్యారు. ప్రేక్షకులకు మాత్రం ఒకప్పుడు చైల్డ్ ఆర్టిస్ట్ గా చేసిన వాళ్ళు ఇప్పుడు ఎలా ఉన్నారు, ఏం చేస్తున్నారు అనే ఆసక్తి బాగా ఉంటుంది. ఒకప్పుడు చైల్డ్ ఆర్టిస్ట్ గా ఎంట్రీ ఇచ్చి మెప్పించిన తరుణ్ ఇప్పుడు హీరోగా ఎంట్రీ ఇచ్చి సక్సెస్ అయిన విషయం తెలిసిందే.

అలాగే తేజ సజ్జా కూడా చైల్డ్ ఆర్టిస్ట్ గా మెప్పించి హీరోగా ఎంట్రీ ఇచ్చి సక్సెస్ అయ్యాడు. ఇదిలా ఉంటే కృష్ణవంశీ దర్శకత్వంలో మెగా పవర్ స్టార్ రామ్ చరణ్ హీరోగా, కాజల్ అగర్వాల్ హీరోయిన్ గా నటించిన గోవిందుడు అందరివాడేలే చిత్రం మంచి విజయాన్ని అందుకున్న విషయం తెలిసిందే. ఈ చిత్రం 2014లో దసరా కానుకగా ప్రేక్షకుల ముందుకు వచ్చింది. ఈ చిత్రంలో రామ్ చరణ్ చెల్లెలి పాత్రలో నటించిన అమ్మాయి ఎవరో మీకు తెలుసా..? ఈ అమ్మాయి పేరు ఆయేషా కుదుస్కర్. ఈ అమ్మాయి చూడడానికి అచ్చం తెలుగు అమ్మాయి లాగానే ఉంటుంది.

ఈ చిత్రంలో తన పాత్రలో ఒదిగిపోయి ప్రేక్షకుల మన్ననలు పొందింది ఆయేషా. ఈమె ఈ చిత్రం కంటే ముందే హిందీలో ప్రసారమైన కొన్ని సీరియల్స్ లో కూడా నటించింది. అంతేకాక 2012 లో హృతిక్ రోషన్ నటించిన అగ్నిపథ్ సినిమాలో కూడా నటించింది. ఆయుష్మాన్ ఖురానా నటించిన డాక్టర్ జి చిత్రంలో కూడా నటించింది ఆయేషా. ఈమె సోషల్ మీడియాలో కూడా చాలా యాక్టివ్ గా ఉంటుంది. ప్రస్తుతం ఆయేషా సినిమాలకు దూరంగా ఉంటున్నట్లు సమాచారం. ఈమె హీరోయిన్ గా ఎంట్రీ ఇవ్వాలని అభిమానులు కోరుకుంటున్నారు.