సినిమా అనే రంగుల ప్రపంచంలో ఎవరికి ఎప్పుడు ఎలాంటి అవకాశాలు వస్తాయి అన్నది చెప్పడం చాలా కష్టం. అలాగే హీరోయిన్ల కెరీర్ లో ఎప్పుడు ఎలాంటి ఛాన్సులు వస్తాయి అన్నది చెప్పడం కూడా కష్టమే. ఒకటి రెండు సినిమాలకే స్టార్ క్రేజ్ తెచ్చుకొని ఆ ఇమేజ్ ని మెయింటైన్ చేయడానికి చాలా కష్టపడుతూ ఉంటారు. అలా టాలీవుడ్ లో దాదాపు కెరియర్ ముగిసింది అనుకున్న ఒక హీరోయిన్ మళ్ళీ ఇక్కడ వరుస సినిమాలతో దూసుకుపోతుంది. ఆమె ఎవరో కాదు లోకనాయకుడు కమల్ హాసన్ గారాల పట్టి శృతిహాసన్. ఇప్పుడు తెలుగు పరిశ్రమలో శృతిహాసన్ క్రేజ్ మామూలుగా లేదు.
కమల్ హాసన్ కూతురిగా ఇండస్ట్రీలోకి అడుగుపెట్టి అనతి కాలంలోనే తనకంటూ ప్రత్యేకమైన గుర్తింపును తెచ్చుకుంది. పవర్ స్టార్ పవన్ కళ్యాణ్ నటించిన గబ్బర్ సింగ్ చిత్రం శృతిహాసన్ కి టర్నింగ్ పాయింట్ గా మారింది. ఈ చిత్రం తర్వాత వెనక్కి తిరిగి చూసుకోకుండా వరుసగా స్టార్ హీరోల సరసన నటిస్తూ దూసుకుపోతోంది. చిరంజీవితో వాల్తేరు వీరయ్య, బాలకృష్ణతో వీర సింహారెడ్డి సినిమాలు చేసిన శృతిహాసన్.. అటు పాన్ ఇండియా స్టార్ ప్రభాస్ తో సలార్ సినిమాలో కూడా జతకట్టింది. ఇదిలా ఉంటే శృతిహాసన్ కి సంబంధించిన ఓ ఇంట్రెస్టింగ్ విషయం ఇప్పుడు సోషల్ మీడియాలో వైరల్ గా మారింది. శృతిహాసన్ ఒక హీరోకు అప్పుడు లవర్ గా నటించి ఇప్పుడు వదినగా నటించింది.
ఆ హీరో మరెవరో కాదు.. మాస్ మహారాజా రవితేజ. రవితేజ నటించిన బలుపు, క్రాక్ సినిమాలలో శృతిహాసన్ హీరోయిన్ గా నటించిన విషయం తెలిసిందే. ఇక వాల్తేరు వీరయ్య లో కూడా రవితేజ, శృతిహాసన్ నటించారు. ఈ చిత్రంలో శృతిహాసన్ మెగాస్టార్ చిరంజీవి సరసన హీరోయిన్ గా కనిపించింది. అయితే ఈ సినిమాలో మెగాస్టార్, రవితేజ బ్రదర్స్ గా కనిపించారు. ఈ విధంగా చూస్తే శృతిహాసన్ రవితేజ కి వదిన పాత్ర చేసిన‌ట్లు లెక్క. ఇలా ఒక హీరోకు ప్రేయసిగా, మరోసారి అదే హీరోకు వదినగా నటించిన హీరోయిన్స్ ఇండస్ట్రీలో చాలా మంది ఉన్నారు. ఆ లిస్టులో శృతిహాసన్ కూడా చేరిపోయింది.
