ప్రస్తుతం తెలుగు సినిమా ఇండస్ట్రీలో ఉన్నటువంటి టాప్ కమెడియన్ లో ఆలీ ఒకరు. బాలానటుడిగా కెరియర్ ప్రారంభించిన ఆలీ స్టార్ కమెడియన్ గా గుర్తింపు సాధించారు. ప్రస్తుతం సినిమాల్లో నటిస్తూ టీవీ షోలో సందడి చేస్తున్నారు. ఇంకోవైపు రాజకీయాల్లో కూడా నిన్న మొన్న‌టి వరకు చాలా చురుకుగా ఉన్నారు. ఇదిలా ఉండగా ఆలి అప్పట్లో హీరోగా సినిమాలు చేసిన సంగతి మనందరికీ తెలుసు. ఎస్వీ కృష్ణారెడ్డి డైరెక్షన్లో ఆలీ యమలీల అనే చిత్రంలో నటించారు.
ఈ సినిమా అతడి సినీ కెరియర్ లోనే బ్లాక్ బాస్టర్ సినిమాగా నిలిచింది. ఈ చిత్రానికి ఆలీకి నటుడిగా మంచి గుర్తింపు లభించింది. ఎస్వీ కృష్ణారెడ్డి ఈ సినిమాలో కామెడీ చేసే హీరో అయితేనే సరిపోతానని అనుకున్నారట దాంతో ఆలిని హీరోగా తీసుకున్నారట. అయితే ఈ చిత్రంలోని పాటలు కూడా ఎంతో ఆకట్టుకోవడంతో సినిమాపై భారీగా అంచనాలు పెరిగాయి. అయితే ఈ మూవీలో హీరోయిన్ గా మొదట దర్శకుడు ఎస్వి కృష్ణారెడ్డి సౌందర్య అనుకున్నారట. దీని తర్వాత సౌందర్య వద్దకు వెళ్లి కథను వినిపించగా గ్రీన్ సిగ్నల్ ఇచ్చారట.
కానీ కథలో హీరో గా ఆలీ నటిస్తున్నారని చెప్పేసరికి సౌందర్య సినిమా చేయనని చెప్పిందట. దీనికి కారణం ఆమె కెరియర్ పీక్స్ లో ఉన్న టైంలో సౌందర్య తండ్రి వద్దని చెప్పేశారట. దాంతో ఈ మూవీలో హీరోయిన్ గా ఇంద్రజ నటించింది. 1994 ఏప్రిల్ 28న ప్రేక్షకుల ముందుకు వచ్చిన ఈ చిత్రం బ్లాక్ బాస్టర్ హిట్ గా నిలిచింది. ఈ సినిమా తర్వాత ఆలీ శుభలగ్నం అనే మూవీలో కూడా చేశారు.
