Bhallala Deva : తెలుగు సినిమా ఖ్యాతిని పెంచిన విజువ‌ల్ వండ‌ర్ బాహుబలి. ప్రభాస్, రానా, అనుష్క, ర‌మ్య‌కృష్ణ, నాజ‌ర్, స‌త్య‌రాజ్ ప్ర‌ధాన పాత్ర‌ల‌లో రాజ‌మౌళి ఈ చిత్రాన్ని తెర‌కెక్కించారు. 2015 జూలై 10న విడుదలైన బాహుబలి-ది బిగినింగ్ చిత్రం అంద‌రినీ అలరించింది. బాహుబలి మొదటి భాగం విడుదలైనప్పుడు ఆ చిత్రం యావద్భారతాన్నీ అలరించింది. అయితే బాహుబలి-1 లో కట్టప్ప బాహుబలిని ఎందుకు చంపాడు ? అన్న ప్రశ్నను వదిలి, సశేషం అన్నారు. ఇక అప్ప‌టి నుండి సెకండ్ పార్ట్‌పై అంద‌రిలోనూ ఆస‌క్తి పెరిగింది.
అనేక అంచ‌నాల న‌డుమ బాహుబలి-2 మూవీ 2017 ఏప్రిల్ 28న విడుదలయింది. అనూహ్య విజయం సాధించింది. భారతదేశంలో రూ.1000 కోట్ల‌కు పైగా వ‌సూలు చేసిన తొలి చిత్రంగా చరిత్రలో నిలిచింది. తెలుగులో రూపొంది.. తమిళ, మళయాళ, హిందీ భాషల్లోకి అనువాదమైన బాహుబలి 2 కనీవినీ ఎరుగని విజ‌యాన్ని సాధించి అంద‌రి దృష్టినీ టాలీవుడ్‌పై ప‌డేలా చేసింది. బాహుబలి 2 రూ.1800 కోట్ల‌కు పైగా కొల్లగొట్టిన సంగతి తెలిసిందే.
అయితే బాహుబలి చిత్రంలో రానా భ‌ళ్లాల దేవుడిగా క‌నిపించాడు. బాహుబలి చ‌నిపోయిన త‌ర్వాత రానా వృద్ధ భళ్లాలదేవుడిగా క‌నిపించాడు. అయితే సెకండ్ పార్ట్‌లో ఆయ‌న ముఖంపై గీత ఉంటుంది. అది ఎందుకు వ‌చ్చింద‌నే విష‌యం బాహుబలి అభిమానుల‌కి ఎవ‌రికైనా గుర్తుందా ? ఆ గీత‌ని భ‌ళ్లాల‌దేవుడు త‌న‌కు తానే పెట్టుకుంటాడు. కుమార వ‌ర్మ త‌న‌కు హాని క‌లిగించ‌డానికి వ‌చ్చిన‌ట్టు అంద‌రినీ న‌మ్మించ‌డానికి పెట్టుకుంటాడు. ఈ గీత ఎక్క‌డా మిస్ కాకుండా రాజ‌మౌళి చాలా జాగ్ర‌త్తప‌డ్డాడు. అందుకనే మూవీలో చాలా చోట్ల రానా ముఖంపై మ‌న‌కు ఆ గీత క‌నిపిస్తుంది. సినిమాలో చిన్న చిన్న అంశాల‌పై కూడా రాజ‌మౌళి ఎంత జాగ్ర‌త్త వ‌హిస్తాడో చెప్పేందుకు ఇది ఒక ఉదాహ‌ర‌ణ మాత్ర‌మే. ఇక రాజ‌మౌళి త్వ‌ర‌లోనే మ‌హేష్ తో సినిమా చేయ‌నున్నారు.
