మల్లు డైరెక్టర్ జితు జోసెఫ్ క్రియేట్ చేసిన అద్భుత క్రైమ్ సస్పెన్స్ థ్రిల్లర్ దృశ్యం మూవీ గురించి దేశం అంతటా కూడా తెలిసిందే. మలయాళ సూపర్ స్టార్ మోహన్ లాల్ ఇంకా మీనా కలిసి నటించిన ఈ సినిమా పెద్ద బ్లాక్ బస్టర్ హిట్ అయ్యి ఘన విజయాన్ని అందుకుంది. ఈ సినిమా హిట్ కావడంతో దీనికి సీక్వెల్ గా దృశ్యం 2 సినిమాను కూడా తెరకెక్కించారు.
ఈ సినిమా కూడా ప్రేక్షకులను ఎక్కడ నిరాశపరచకుండా మంచి వసూళ్లను సాధించింది. ఈ రెండు పార్ట్ లను తెలుగులో కూడా రీమేక్ చేశారు. ఈ సినిమాలో వెంకటేష్ హీరోగా ఇంకా మీనా హీరోయిన్ గా నటించి మెప్పించారు. అయితే దృశ్యం 2 లో హీరో వెంకటేష్ ఇంటి పక్కన ఇక ఇల్లాలి పాత్రలో, భర్త చేతిలో వేధింపులకు గురయ్యే సరిత పాత్రలో నటించిన నటి అద్భుతమైన పర్ఫామెన్స్ తో అలరించింది.
అండర్ కవర్ పోలీస్ గా ఉంటూ ఈ పాత్ర చేసిన నటికి ప్రత్యేక గుర్తింపు లభించింది. దీంతో ఈమె ఎవరు అనే ఆసక్తి అందరిలోనూ మొదలైంది. సుజా వరుని అసలు పేరు సుజాత. ఆమె తమిళం, కన్నడ, తెలుగు, మలయాళం చిత్రాలలో నటించింది. 2002లో తమిళ్ లో వచ్చిన ప్లస్ 2 చిత్రంతో సిల్వర్ స్క్రీన్ పైకి అడుగు పెట్టింది. ఆ తర్వాత వరుసగా తమిళ్, కన్నడ, మలయాళ భాషల్లో సినిమాలు చేసింది. ఇక తమిళ్ లో కమలహాసన్ హోస్ట్ గా 2017 లో వచ్చిన బిగ్ బాస్ లో ఈమె పాల్గొని 91 రోజులు హౌస్ లో ఉండి ఎలిమినేట్ అయింది. ఇక సుజ వరుని వ్యక్తిగత జీవితానికి వస్తే, నటుడు శివాజీ దేవ్ ను ప్రేమించి వివాహం చేసుకుంది.
