అలనాటి హీరో అబ్బాస్ గురించి ప్రత్యేకంగా చెప్పాల్సిన పనిలేదు. వెస్ట్ బెంగాల్ లోని హౌరా లో పుట్టిన అబ్బాస్ తమిళ, తెలుగు సినిమాలతోనే పాపులర్ అయ్యారు. ప్రేమదేశం సినిమా తెలుగులోనూ సంచలన విజయం సాధించి ,ఇతన్ని స్టార్ గా మార్చేసింది. ఆ తర్వాత ఏడాది 1997లో ప్రియా ఓ ప్రియా సినిమాతో తెలుగులోకి కూడా ఎంట్రీ ఇచ్చారు. ఇక్కడ కూడా 10 సినిమాలకు పైగానే నటించారు. అబ్బాస్ కెరీర్ మొత్తంలో 50 సినిమాలకు పైగానే నటించారు ఈయన. అయితే కొన్నేళ్లుగా నటనకు దూరంగా ఉన్నారు అబ్బాస్. కేవలం 40 ఏళ్లలోపే రిటైర్మెంట్ తీసుకున్నారు.
దాదాపు కొన్ని ఏళ్లుగా ఈయన సినిమాల్లో కనిపించడం లేదు. ప్రస్తుతం ఈయన ఎక్కడ ఉన్నారు? ఏం చేస్తున్నారు అనేది చాలామందికి తెలియదు. ప్రస్తుతం అబ్బాస్ ఇండియాలో లేరు. న్యూజిలాండ్ లో స్థిరపడ్డారు. అక్కడే జాబ్ చేసుకుంటూ ఫ్యామిలీ లీడ్ చేస్తున్నారు. అయితే సినిమాలు మానేసి న్యూజిలాండ్ వెళ్లిన తర్వాత చాలా ఇబ్బందులు పడ్డాడు అబ్బాస్. దాని గురించి సోషల్ మీడియాలోనూ కథనాలు ఉన్నాయి. ఒకప్పుడు నటుడిగా, మోడల్ గా అభిమానులను సొంతం చేసుకున్న అబ్బాస్, ఇప్పుడు మోటివేషనల్ స్పీకర్ గా మారిపోయారు.
ఇది కూడా ఓ ఉద్యోగమే. ప్రస్తుతం న్యూజిలాండ్ లో ఇదే చేస్తున్నారు ఈయన. అయితే ఒకప్పుడు వరుస సినిమాలు చేసి ఆ తర్వాత ప్లాపులు రావడంతో అవకాశాలు రాలేదు. అలాంటి సమయంలో న్యూజిలాండ్ వెళ్లిపోయాడు అబ్బాస్. అక్కడ ముందుగా ఓ పెట్రోల్ బంకులో పనిచేశాడు. బంకులో కొన్నాళ్లు పనిచేసిన తర్వాత బిల్డింగ్ కూలీగా మారిపోయారు. అక్కడే కొన్ని రోజులు పని చేసి అనుభవం సంపాదించి ఇప్పుడు అదే బిజినెస్ చేస్తున్నాడు అబ్బాస్. భవన నిర్మాణ రంగంలో ప్రస్తుతం బాగానే సంపాదిస్తున్నాడు అబ్బాస్. మళ్లీ సినిమాల్లోకి వచ్చే ఉద్దేశ్యమే లేదంటున్నాడు ఈయన. మరోవైపు మోటివేషనల్ స్పీకర్ గాను ఉన్నాడు. అక్కడ ఎవరికి ఏ సమస్య వచ్చినా కూడా అడగాలంటూ సోషల్ మీడియాలో పోస్ట్ చేశారు అబ్బాస్.
