Neeraja : దగ్గుబాటి రామానాయుడు తనయుడిగా ఇండస్ట్రీకి ఎంట్రీ ఇచ్చిన వెంకటేష్ ఆనతి కాలంలోనే తనకంటూ ప్రత్యేక గుర్తింపు సంపాదించుకొని స్టార్ హీరోగా ఎదిగాడు. స్టార్ హీరోగా ఓ వెలుగు వెలిగిన వెంకీ ప్రస్తుతం మల్టీ స్టారర్ సినిమాలు చేస్తూ ప్రేక్షకులని అలరిస్తున్నాడు. ఇటీవల వెంకీ రానా నాయుడు వెబ్ సిరీస్ తో అలరించాడు. అయితే ఇన్నేళ్ల కెరీర్లో అందరి హీరోల మాదిరి వెంకటేష్ తన ఫ్యామిలీ మెంబర్స్ గురించి ప్రేక్షకులకు అంతగా తెలియనివ్వలేదు. ఆయన ఎక్కువగా పిల్లలతో పాటు భార్య నీరజా గురించి ఆయన ఎక్కడ కూడా ప్రస్తావించిన సందర్భాలు పెద్దగా లేవు. అంతేకాదు ఆమెతో కలిసి ఎక్కడ పెద్దగా బయట కనిపించింది కూడా చాలా తక్కువ.
వెంకటేష్ భార్య పేరు నీరజారెడ్డి కాగా, వీరిది చిత్తూరు జిల్లా మదనపల్లె. తల్లిదండ్రులు గంగవరపు వెంకట సుబ్బారెడ్డి, ఉషారాణి. వీరిది పెద్ద జమీందారి కుటుంబం. వారికి వందలాది ఎకరాల భూమితో పాటు ఎన్నో వ్యాపారాలు కూడా వున్నాయి. అయితే అప్పుడప్పుడే ఇండస్ట్రీలో హీరోగా వెంకటేష్ నిలదొక్కుకుంటున్న సమయంలో ఆయనకు పెళ్లి చేయాలని భావించి మంచి సంబంధం ఉంటే చెప్పాలని విజయ అధినేత నాగిరెడ్డికి చెప్పారట రామా నాయుడు. దీంతో నీరజారెడ్డి కుటుంబం గురించి నాగిరెడ్డి .. రామానాయుడికి చెప్పారట.
నాగిరెడ్డి సూచన మేరకు ముందుగా రామానాయుడు మదనపల్లి వెళ్లి తొలుత నీరజారెడ్డిని చూసి వచ్చారు. ఆయనకు వారి కుటుంబం, అమ్మాయి కూడా బాగా నచ్చడంతో వెంకటేష్ ను పిలిపించి చూపించారు. ఇద్దరికి ఒకరినొకరు నచ్చడంతో 1989లో వెంకటేష్ , నీరజారెడ్డి పెళ్లి అంగరంగ వైభవంగా జరిగింది. నీరజా రెడ్డి కూడా వెంకటేష్ మాదిరే.. విదేశాల్లో ప్రముఖ యూనివర్సిటీలో ఎంబీఏ పూర్తి చేసారు. నీరజా రెడ్డి ఎపుడు తన భర్త ఓ పెద్ద హీరో అనే విషయం అన్న సంగతి పట్టించుకోకుండా చాలా సింపుల్గా లైఫ్ను లీడ్ చేస్తూ వస్తుంది. తన భర్త ఎప్పుడు సినిమాలతో బిజీగా ఉంటారు కాబట్టి, కుటుంబ బాధ్యతలన్ని తనపై వేసుకొని అంతా చక్కదిద్దడం నీరజా రెడ్డి స్పెషాలిటీ.
