క్రియేటివ్ డైరెక్టర్ శ్రీకాంత్ అడ్డాల దర్శకత్వంలో తెరకెక్కిన సీతమ్మ వాకిట్లో సిరిమల్లె చెట్టు చిత్రం ఎంతటి ఘనవిజయాన్ని సాధించిందో ప్రత్యేకంగా చెప్పనక్కర్లేదు. టాలీవుడ్ లో చాలాకాలం తర్వాత మల్టీస్టారర్ గా 2013 జనవరి 11న విడుదలైన ఈ చిత్రం బ్లాక్ బస్టర్ విజయాన్ని అందుకుంది. ఈ చిత్రంలో పెద్దోడుగా విక్టరీ వెంకటేష్, చిన్నోడుగా సూపర్ స్టార్ మహేష్ బాబు నటించిన మెప్పించారు. ఈ చిత్రానికి ఉత్తమ కుటుంబ చిత్రంగా నంది అవార్డు లభించింది. శ్రీ వెంకటేశ్వర క్రియేషన్స్ బ్యానర్ పై దిల్ రాజు ఈ చిత్రాన్ని నిర్మించారు. అయితే ఇంతటి బ్లాక్ బస్టర్ చిత్రాన్ని కొంతమంది మిస్ చేసుకున్నారు. వారు ఎవరెవరో ఇప్పుడు తెలుసుకుందాం.. వెంకటేష్, పవన్ కళ్యాణ్ తో ఈ సినిమా చేయాలని డైరెక్టర్ శ్రీకాంత్ మొదట అనుకున్నారట. మొదట పవన్ కళ్యాణ్ ఓకే చెప్పినప్పటికీ కొన్ని కారణాల వల్ల తప్పుకున్నారని.. చివరికి పవన్ ప్లేస్ లోకి మహేష్ బాబు ఓకే చెప్పారు.
ప్రకాష్ రాజ్ పోషించిన రేలంగి మామయ్య పాత్రకు మొదట రజనీకాంత్ ని అనుకున్నారట దర్శకుడు. కానీ ఈ పాత్రకి రజినీకాంత్ నో చెప్పారు. అలాగే ఈ పాత్రకి రాజశేఖర్ ని కూడా అనుకున్నాడట శ్రీకాంత్ అడ్డాల. చివరికి ఈ పాత్రకి ప్రకాష్ రాజ్ ని ఓకే చేశారు. రేలంగి మావయ్య పాత్రకి నాజర్ ని కూడా అనుకున్నారట శ్రీకాంత్ అడ్డాల. కానీ చివరికి ప్రకాష్ రాజ్ ని ఫైనల్ చేశారు. ఈ చిత్రంలోని మరో కీలకమైన పాత్ర సీత. అంజలి పోషించిన సీత పాత్ర కోసం మొదట విద్యాబాలన్ ని సంప్రదించారు. కానీ ఆమె నో చెప్పింది. విక్టరీ వెంకటేష్ పోచించిన పెద్దోడు పాత్రకు మొదట నాగార్జునను అనుకున్నారట. కానీ ఆయన చేయలేదు.
ఈ చిత్రంలోని వెంకటేష్ ( పెద్దోడి) పాత్రకు జోడీగా మొదట భూమికని అనుకున్నారట. కానీ ఒక్కడు సినిమాలో మహేష్ బాబుకు జోడిగా చేసిన భూమిక ఈ చిత్రంలో వదినగా చేయడం ఇష్టం లేక నో చెప్పిందట. జయసుధ పాత్రకి మొదట సుధని అనుకున్నారు. కానీ లుక్ టెస్ట్ లో సుధా ఆ పాత్రకి సెట్ కాకపోవడంతో ఈమెను తప్పించి జయసుధని ఓకే చేశారు. సీత పాత్రకి అనుష్క ని కూడా సంప్రదించారట. కానీ భూమిక చెప్పిన కారణమే అనుష్క కూడా చెప్పిందట. ఈ చిత్రంలో సమంత సిస్టర్స్ క్యారెక్టర్లలో బాలీవుడ్ నటి హీరా ఖాన్ ని ఒకరుగా అనుకున్నారు. కానీ ఈమె అనూహ్యంగా బరువు పెరగడంతో తప్పించారట. ఈ చిత్రానికి మ్యూజిక్ డైరెక్టర్ గా మొదట మణిశర్మ ని అనుకున్నారు. కానీ చివరికి మిక్కి జె మేయర్ ని ఫైనల్ చేశారు.
