సినీ జీవితంలో ఓ వెలుగు వెలిగిన అందాల రాశి సౌందర్య. ఆమె ఎంతగా వెలుగు వెలిగిందో అంత త్వరగానే కనుమరుగైంది. సౌందర్య సినిమా జీవితం నాటకీయంగానే జరిగింది. డాక్టర్ కాబోయిన ఆమె యాక్టరైంది. బెంగళూరుకు చెందిన సౌందర్య కన్నడ చిత్రం ‘గంధర్వ’లో ఆమె ఓ చిన్న పాత్ర మాత్రమే పోషించింది. నిజానికి ఆమె హీరోయిన్ గా పరిచయమైంది తెలుగు చిత్రంతోనే. అదే ‘రైతు భారతం’. ముందుగా విడుదలైంది మాత్రం ‘మనవరాలి పెళ్లి’. ఆమె దూరమై కొన్ని ఏళ్ళు అవుతున్నా కూడా ఇప్పటికీ అభిమానులు అభిమాన తార‌ను ఏ మాత్రం మర్చిపోలేకపోతున్నారు.
ఇప్పటికీ ఆమె జ్ఞాపకాలు ఇంకా కళ్ళ ముందు మెదులుతూనే ఉన్నాయి. నేటి తరం హీరోయిన్లకు సౌందర్య ఒక రోల్ మోడల్ అని చెప్పడంలో ఎటువంటి సందేహం లేదు.అప్పట్లో సౌందర్య టాలీవుడ్లో అగ్ర హీరోల సురసన నటించి స్టార్ హీరోయిన్గా తనకంటూ ప్రత్యేకమైన గుర్తింపును ఏర్పరచుకుంది. టాలీవుడ్‌తో పాటు ప‌లు భాష‌ల‌లో స్టార్ హీరోల‌తో న‌టించిన సౌందర్య ఆ ఒక్క హీరోతో నటించడానికి ఒప్పుకోలేదట.. అతడు హీరోగా ఉంటే నేను ఆ సినిమాలో నటించలేను అని డైరెక్టర్ కు మొహం మీదే చెప్పిందట సౌందర్య.
ఇంతకీ సౌందర్య రిజెక్ట్ చేసిన హీరో ఎవర‌నే క‌దా మీ డౌట్… చైల్డ్ ఆర్టిస్ట్ గా ఎంట్రీ ఇచ్చి స్టార్ హీరో మరియు స్టార్ కమెడియన్ గా పేరు తెచ్చుకున్న ఆలీ. ఎస్వి కృష్ణారెడ్డి దర్శకత్వంలో వచ్చిన యమలీల సినిమా ఎంతటి విజయాన్ని సాధించిందో మనందరికీ తెలిసిందే.అయితే ఈ సినిమా కథని విన్న తర్వాత సౌందర్య హీరో ఎవరు అని అడగగా ఆలీ అని చెప్పడంతో వెంటనే సౌందర్య నేను చెయ్యను అనే ముఖం మీద చెప్పేసిందట.దాంతో సౌందర్యకు బదులుగా ఇంద్రజను హీరోయిన్ గా పెట్టే సినిమాను తీయ‌గా,అది మంచి సక్సెస్ ను సాధించిన విషయం తెలిసిందే. చైల్డ్ ఆర్టీస్టుగా కెరియర్ను మొదలుపెట్టిన కమెడియన్ ఆలీ ప్రస్తుతం తెలుగు సినిమా ఇండస్ట్రీలో స్టార్ కమెడియన్లలో ఒకరిగా గుర్తింపు తెచ్చుకున్న విషయం విదిత‌మే.
