అల్లు అర్జున్ సుకుమార్ కాంబినేషన్ లో వచ్చిన పుష్ప మొదటి భాగం ఏ రేంజ్ లో హిట్ అయిందో మనందరికీ తెలుసు. సెకండ్ పార్ట్ కూడా బ్లాక్ బ‌స్ట‌ర్ హిట్‌గా నిలిచింది. అయితే ఈ సినిమా మొదటిపార్ట్ లో అవకాశాల కోసం చాలామంది ప్రయత్నాలు చేశారట. ఆడిషన్స్ సమయంలో కొంతమంది ఆల్రెడీ ఇండస్ట్రీలో నిలదొక్కు కున్నవారు ఆడిషన్స్ లో పాల్గొన్నారు.
ఇందులో ముఖ్యంగా సుహాస్ కూడా ఉన్నారు. ఈ విషయాన్ని ఆయన ఒక ఇంటర్వ్యూలో తెలియజేశారు. అలాగే ఒక చేదు అనుభవం ఎదురైనట్లుగా వివరణ ఇచ్చారు.. వివరాలు ఏంటో చూద్దాం.. సుహాస్ పుష్ప సినిమాలో కేశవ పాత్ర కోసం ఆడిషన్ కి వెళ్ళినట్టు తెలియజేశాడు. ఈ పాత్రలో హీరోకి ఫ్రెండ్ గా నటించాలని చాలా ప్రయత్నాలు చేశారట. కానీ ఆ ఆడిషన్స్ లో ఎందుకో సెలెక్ట్ కాలేదని అన్నాడు. ఇక సుకుమార్ అల్లు అర్జున్ అంటే తనకు నచ్చిన కాంబినేషన్ అని ఆడిషన్స్ లో లక్కు కలిసి రాలేదని వివరణ ఇచ్చారు.
ఆ తర్వాత కలర్ ఫోటో సినిమాకు గాని అల్లు అర్జున్ ద్వారానే ఫిలిం పేర్ అవార్డు సొంతం చేసుకున్నట్టు సుహాస్ తెలియజేశారు. నేను మొదట హీరోగా అసలు పనికొస్తానా అని చాలామంది కామెంట్లు చేశారు. చివరికి నాకు కూడా అదే అనిపించింది. అంతేకాదు హీరోగానే కాకుండా చిన్న చిన్న పాత్రలకు కూడా పనికి రానేమో అనిపించింది అంటూ ఇండస్ట్రీలో తనకు ఎదురైనా చేదు అనుభవాలను బయటపెట్టారు.
