చిరంజీవి, బాలకృష్ణ, నాగార్జున, సుమన్ వంటి హీరోలందరూ ఇండస్ట్రీలోకి అటు ఇటుగా ఒక్కసారే వచ్చారు. ఇందులో సుమన్ ఈ ముగ్గురు హీరోల కంటే ముందే స్టార్ హీరోగా మారారు. కానీ కొన్ని అనివార్య పరిస్థితుల వల్ల ఆయన జైలుకు వెళ్లడం సినీ కెరియర్ డల్ అవ్వడం జరిగింది. అలాంటి సుమన్ సినిమా ఇండస్ట్రీలో పేరు సంపాదించుకొని హీరో కావడానికి ముందుగా ఊతమిచ్చింది ఎవరో ఇప్పుడు తెలుసుకుందాం..
సుమన్ ఎలాంటి సినీ బ్యాగ్రౌండ్ లేకుండా ఇండస్ట్రీ లోకి వచ్చారు. ఈయన సినీ ఫీల్డ్ లోకి అడుగు పెట్టడానికి ప్రధాన కారణం ఒక కార్ మెకానికట. అవునండి మీరు విన్నది నిజమే. ఒకరోజు సుమన్ కారు చెడిపోతే కార్ మెకానిక్ బాగు చేయడానికి వచ్చారట. ఈ సందర్భంగా ఆ మెకానిక్ మాట్లాడుతూ మీరు చాలా బాగున్నారు హీరోగా చేయండి అని సలహా ఇచ్చారట.
అంతేకాదు ఆ కార్ మెకానిక్ సినిమా వాళ్లకి సుమన్ ను పరిచయం చేసీ హీరో కావడానికి చాలా సహకరించాడట. ఆ విధంగా సుమన్ మైండ్ లో సినీ ఇండస్ట్రీ అనే లేని ఆలోచనలు పుట్టించిన మెకానిక్ ను సుమన్ ఇప్పటికి కూడా మర్చిపోలేదట. మొదట్లో ఇండస్ట్రీలోకి వచ్చినప్పుడు అసలు యాక్టింగ్ అంటే కూడా తెలియదు. ఆ స్థాయి నుంచి స్టార్ హీరోగా ఎదిగారు సుమన్. అలా నటుడు భానుచందర్ సహకారంతో తెలుగు సినిమా ఇండస్ట్రీలో కూడా ఎన్నో అద్భుతమైన చిత్రాల్లో నటించారు.
అంతేకాకుండా తమిళ్ ఇండస్ట్రీలో కూడా చాలా సినిమాల్లో చేసి మంచి గుర్తింపు తెచ్చుకున్నారు. అప్పట్లో చిరంజీవి,బాలకృష్ణ లాంటి హీరోలను కూడా దాటి దూసుకెళ్లారు సుమన్. అలా సుమన్ కార్ మెకానిక్ వల్ల హీరో అయ్యారని ఒక ఇంటర్వ్యూలో ఆయనే స్వయంగా తెలియజేశారు.
