సినిమా ఛాన్సులు రావడం అంత ఈజీ కాదు.వచ్చిన వాటిని నిటబెట్టుకోవడం మరీ కష్టం..హీరోయిన్ గా రావాలన్నా,మరిన్ని అవకాశాలు అంది పుచ్చుకోవాలన్న కష్టపడాలి.కానీ కొంతమంది విషయంలో కష్టంతో పాటు,వచ్చిన పేరు నిలబెట్టుకోవడానికి అదృష్టం కూడా అవసరమేమో అనిపిస్తుంది.మన తెలుగు సినిమాల్లో నటించే హీరోయిన్స్ ఎక్కువగా అటు చెన్నై లేదంటే ఇటు ముంబై భామలే అయ్యుంటారు..ఒక్క ఛాన్స్ అంటూ వచ్చి దూసుకుపోతుంటారు. కానీ మొదటి ఛాన్సే సూపర్ హిట్ అయినప్పటికీ కూడా కొందరు ఆ సినిమా తర్వాత అంతగా క్లిక్ అవ్వరు అలాంటి కొందరు..
జోష్ సినిమాలో నాగచైతన్య సరసన నటించింది కార్తీక. అలనాటి నటి రాధ కూతురే ఈ కార్తిక. అందానికి కానీ , అభినయానికి కానీ పెట్టింది పేరు. డ్యాన్స్ లో మెగాస్టార్ తో పోటీ పడి మరీ వేసేది. అలాంటి రాధ కూతురు మాత్రం ఒక సినిమాతో సరిపెట్టుకోవాల్సి వచ్చింది. ఇక పవన్ కళ్యాన్ తో ఛాన్స్ అంటే ఆషామాషి కాదు..అట్లాంటిది బంగారం సినిమాలో పవన్ కళ్యాన్ సరసన మెరిసిన ఈ భామ ఇప్పటివరకూ పత్తా లేదు..ఆ మద్య నితిన్ తో పాటు ఒక సినిమాలో నటించినా,అదెప్పుడొచ్చిందో,ఎప్పుడు పోయిందో.అసలు వచ్చిందో లేదో కూడా తెలియదు. ఛార్మినార్ దగ్గర గాజులు బాగుంటాయట..నాకు అవి కావాలి..అని అమాయకంగా అడిగిన మహేశ్వరి ని ఎవరూ మర్చిపోరు ఇప్పటికీ..నాగార్జునతో మన్మదుడు సినిమాలో మహేశ్వరిగా కనిపించిన అన్షు..ఆ తర్వాత ప్రభాస్ సరసన రాఘవేంధ్రలో నటించినప్పటికీ అంతగా క్లిక్ అవ్వలేదు..మిస్సమ్మలో చిన్న క్యారెక్టర్లో నటించినా తననెవరూ పట్టించుకోలేదు.
నువ్వే కావాలి సినిమాలో తరుణ్ తో కలిసి అల్లరల్లరి చేసిన రిచా పల్లాడ్ అప్పట్లో ఆ సినిమాతో సూపర్ హిట్ కొట్టి..మంచి మార్కులే కొట్టేసింది.తర్వాత అడపదడపా సినిమాలు చేసినప్పటికీ ఏ ఒక్కటి కూడా నువ్వేకావాలి సినిమా అంత హిట్ కాలేదు.ఇప్పుడు ఆమె అసలు ఇండస్ట్రీలోనే లేదు. దిల్ సినిమాలో నితిన్ తో నటించిన నేహ..తర్వాత జగపతిబాబుతో అతడే ఒక సైన్యం సినిమాలో నటించింది.దిల్ బ్లాక్ బస్టర్ హిట్..అతడే ఒక సైన్యం సినిమా కూడా హిట్ టాక్ తెచ్చుకుంది.ఈ అమ్మాయి కెరీర్ మాత్రం ట్రాక్ తప్పింది..దుబాయ్ శీను లో జెడికి జోడిగా కనపడింది అంతే… స్టైలిష్ స్టార్ అల్లు అర్జున్ సరసన బన్ని మూవీలో ఫస్ట్ ఛాన్స్ కొట్టేసింది గౌరీ ముంజాల్..ఆ తర్వాత ఒక్క సినిమాకూడా అలాంటి ఛాన్స్ దక్కించుకోలేకపోయింది.ఇప్పుడు మొత్తానికే కనపడకుండా పోయింది
పూరి జగన్నాద్ ఇంట్రడ్యూస్ చేయడం అంటే మాటలు కాదు.ఎంతో మంది హీరోయిన్లను,విలన్లను వెండితెరకు పరిచయం చేశాడు పూరి.నేహ శర్మ పరిచయం అయింది పూరీ డైరెక్షన్లో చరణ్ తొలి చిత్రంతో..ఆ సినిమా తర్వాత చరణ్ ఎక్కడికో వెళ్లిపోయాడు..నేహా ఎక్కడికి వెళ్లిపోయిందో తెలియదు. ఆర్యా మూవీ ఎంత పెద్ద హిట్టో మనందరికి తెలుసు.ఫీల్ మై లవ్ అంటూ అల్లు అర్జున్ ని తన వెంట తిప్పుకున్న గీతా క్యారెక్టర్లో ఒదిగిపోయింది అనురాధా మెహతా..కానీ ఆ తర్వాత మాత్రం ఛాన్స్ లు అందుకోలేకపోయింది. తొలి చిత్రమే బ్లాక్ బస్టర్ హిట్..బద్రితో పవన్ సరసన నటించి ,ఆ తర్వాత పవన్ తో సహజీవనం చేసి వైఫ్ గా సెటిల్ అయిపోయింది రేణు దేశాయ్‌.జానీ లో నటించినప్పటికీ బద్రీ అంత హిట్ కాదు..
వరుడు సినిమా అప్పుడు ఈమె క్యారెక్టర్ గురించి క్రియే ట్ చేసిన హైప్ ఇంతా అంతా కాదు.అంత చేసినా కూడా సినిమా రిలీజ్ అయ్యాక మంచి మార్కులు పడలేదు సరికదా..ఆ తర్వాత ఛాన్సులు కూడా రాలేదు. రక్షిత,ఆసిన్,ఇలియానా,అనుష్క,అయేషా..వరుసగా ఎంతో మందిని సినిమా ఇండస్ట్రీకి పరిచయం చేసాడు పూరి జగన్నాద్.అందరూ తర్వాత హీరోయిన్స్ గా నిలదొక్కుకున్నారు.ఒక్క శియా తప్ప..నేనింతే సినిమాలో రవితేజ సరసన నటించింది.బాగానే యాక్ట్ చేసింది కానీ అవకాశాలు మాత్రం రాలేదు..అందంగా ఉండదా అంటే అదీ కాదు..మరెందుకు సినిమాలు చేయలేదో. అంజలి సినిమాతో చైల్డ్ ఆర్టిస్టు గా ఎనలేని గుర్తింపు పొందింది బేబీ షామిలి..తర్వాత కూడా చైల్డ్ ఆర్టిస్టుగా కొన్ని సినిమాల్లో నటించి..సిద్దార్ద్ ఓయ్ సినిమాతో హీరోయిన్ గా ఎంట్రీ ఇచ్చింది.ఎందుకో కానీ అంతగా క్లిక్ అవ్వలేదు..ఆ సినిమా తర్వాత మరో సినిమా గురించి ఆలోచించలేదు తను.
మంచు మనోజ్ తో ప్రయాణం సినిమాలో నటించిన పాయల్.ఆ సినిమాలో మంచి నటన కనపరిచింది.సినిమా కథా,కథనం కూడా చాలా బాగుంటాయి.ఆ సినిమా తర్వాత హీరోయిన్ గా ఛాన్స్ లు రాలేదు.ఊసరవెళ్లిలో తమన్నా స్నేహితురాలిగా నటించింది అంతే. పంజా సినిమాలో పవన్ సరసన నటించిన సారా ..మిస్ ఇండియా వరల్డ్.. కానీ ఆ సినిమా తర్వాత మరే సినిమా అవకాశం రాలేదు.
