Tea And Coffee : మ‌న‌లో చాలా మంది ఉద‌యం నిద్ర‌లేవ‌గానే త‌మ రోజును టీతో ప్రారంభిస్తారు. అలాగే కొంద‌రు ఉద‌యాన్నే కాఫీ తాగుతారు. టీ, కాఫీ రెండింటిలోనూ కెఫీన్ అధికంగా ఉంటుంద‌న్న సంగ‌తి తెలిసిందే. అయితే తల్లిదండ్రుల‌ను చూసి కొంద‌రు పిల్ల‌లు కూడా ఉద‌యం టీ, కాఫీ వంటివి తాగుతారు. అవేవీ అనారోగ్య‌క‌ర‌మైన‌వి కావు క‌నుక, పిల్ల‌ల‌కు వారి త‌ల్లిదండ్రులు టీ, కాఫీ ఇస్తుంటారు. అయితే వాస్త‌వానికి పిల్ల‌లు టీ, కాఫీ తాగ‌కూడ‌దు. ఆ వ‌య‌స్సులో వారు ఆ పానీయాల‌ను తాగ‌డం అంత మంచిది కాదు. చిన్నారులు టీ లేదా కాఫీ తాగితే ఏం జ‌రుగుతుందో ఇప్పుడు తెలుసుకుందాం.
టీ లేదా కాఫీ.. రెండింటిలో ఏది తీసుకున్నా స‌రే.. అందులో కెఫీన్‌తోపాటు టానిన్స్ అన‌బ‌డే స‌మ్మేళ‌నాలు ఉంటాయి. ఇవి చిన్నారుల‌కు అస‌లు మంచిది కాదు. ఇవి వారి ఆరోగ్యంపై నెగెటివ్ ప్ర‌భావాన్ని చూపిస్తాయి. అలాగే వారు టీ లేదా కాఫీని చిన్న‌త‌నంలోనే తాగ‌డం వ‌ల్ల వాటిల్లో ఉండే చ‌క్కెర వారిలో డ‌యాబెటిస్ వ‌చ్చే ప్ర‌మాదాన్ని పెంచుతుంది.
పిల్ల‌ల‌కు క‌నీసం 12 ఏళ్లు వ‌చ్చే వ‌ర‌కు టీ, కాఫీ ఇవ్వ‌కూడ‌దు. అలా ఇస్తే వారిలో క్యాల్షియం లోపం ఏర్ప‌డే ప్ర‌మాదం ఉంటుంది. దీంతో వారిలో ఎదుగుద‌ల స‌రిగ్గా ఉండ‌దు. అలాగే ఎముక‌లు బ‌ల‌హీనంగా మారుతాయి. దీంతో ఆ వ‌య‌స్సులో ఎముక‌లు విరిగిపోయే అవ‌కాశాలు ఎక్కువ‌గా ఉంటాయి. అలాగే చిన్నారుల్లో దంత క్ష‌యం ఏర్ప‌డే అవ‌కాశాలు ఎక్కువ‌గా ఉంటాయి. దీంతో దంతాలు పుచ్చిపోయి ఇబ్బందుల‌ను క‌ల‌గ‌జేస్తాయి. క‌నుక చిన్నారుల‌కు క‌నీసం 12 ఏళ్లు వ‌చ్చే వ‌ర‌కు టీ, కాఫీ అల‌వాటు చేయకూడదు. లేదంటే స‌మ‌స్య‌ల‌ను సృష్టించిన వారు అవుతారు.
