నల్ల మిరియాలను క్రమం తప్పకుండా తీసుకోవడం వల్ల శరీర రోగనిరోధక శక్తి పెరుగుతుంది. ప్రతిరోజూ రెండు నల్ల మిరియాల గింజలు తినడం వల్ల గుండె జబ్బులు రాకుండా ఉంటాయి. నల్ల మిరియాలు తీసుకోవడం వల్ల కీళ్ళు, అన్నవాహిక వాపు తగ్గుతుంది. నల్ల మిరియాలు వాత దోషాన్ని తొలగిస్తాయి. శరీరం నుండి విషాన్ని తొలగిస్తాయి. నల్ల మిరియాలు శరీర కొవ్వును కరిగించి క్యాన్సర్‌తో కూడా పోరాడుతాయి. విటమిన్ సి ఉన్న మిరియాలు రోగనిరోధక శక్తిని పెంచుతాయి, జలుబు, దగ్గు, ఆస్తమా లక్షణాలను తగ్గిస్తాయి. ఫైబర్ ఉన్న మిరియాలను తినడం వల్ల గ్యాస్, మలబద్ధకం తగ్గుతాయి, జీర్ణక్రియ మెరుగుపడుతుంది.
మిరియాలు రక్త ప్రసరణను మెరుగుపరుస్తాయి. పోషకాల శోషణకు సహాయపడతాయి. మిరియాలలోని యాంటీ బాక్టీరియల్, యాంటీ ఇన్ఫ్లమేటరీ గుణాలు కీళ్ల నొప్పులను తగ్గిస్తాయి. మిరియాలలోని పైపెరిన్ క్యాలరీలను బర్న్ చేయడానికి సహాయపడుతుంది. నల్లమిరియాలను రెగ్యులర్ గా తీసుకోవడం వల్ల శరీరంలో సెరోటోనిన్ హార్మోన్ ఉత్పత్తి పెరుగుతుంది. డిప్రెషన్‌ను దూరం చేయడంలో ఇది ఉపయోగపడుతుందని చెబుతున్నారు. నల్ల మిరియాలలోని పెపరిన్‌ అనే రసాయనం ఇన్సులిన్‌ ఉత్పత్తిని ప్రేరేపిస్తుంది. దీంతో రక్తంలో చక్కెర స్థాయులు పెరగకుండా ఉంటాయి.
బరువు తగ్గాలనుకునేవారు మిరియాలను తినవచ్చు. నల్ల మిరియాలు తినడం వల్ల జుట్టు రాలడం, చుండ్రు, తలపై ఫంగస్ నివారిస్తుంది. యాంటీ బాక్టీరియల్ గుణాలున్న మిరియాలు చర్మ ఆరోగ్యానికి మంచివి. మహిళల్లో సాధారణ సమస్య అయిన బ్రెస్ట్ క్యాన్సర్ నుంచి ఉపశమనం కలిగిస్తుందని పరిశోధనల్లో తేలింది.
