క్యాన్సర్ చాలా ప్రమాదకరమైన వ్యాధి. దీన్ని ప్రజలు తరచుగా రెండవ లేదా మూడవ దశలో మాత్రమే తెలుసుకుంటారు. దీని తరువాత ఈ వ్యాధిని నియంత్రించడం చాలా కష్టం అవుతుంది. అటువంటి పరిస్థితిలో మనం క్యాన్సర్ సమస్య రాకుండా చూసుకోవాలి. అందుకు గాను కింద తెలిపిన ఆహారాలను తరచూ తింటుండాలి. దీంతో క్యాన్సర్ రాకుండా ఆపవచ్చు.
ఆయుర్వేదంలో పిప్పళ్లను ఎన్నో వ్యాధులకు ఔషధంగా ఉపయోగిస్తారు. వీటిలో క్యాన్సర్ నిరోధక లక్షణాలు ఉంటాయి. వీటిని రోజూ పొడి రూపంలో తేనెతో చిటికెడు మోతాదులో తీసుకుంటుండాలి. దీంతో ప్రోస్టేట్, రొమ్ము, ఊపిరితిత్తుల క్యాన్సర్‌లను రాకుండా చూసుకోవచ్చు.
ఎరుపు రంగు చెర్రీస్ ఆరోగ్య పరంగా చాలా ప్రయోజనకరంగా పరిగణించబడతాయి. వీటిలో మెలటోనిన్ అనే మూలకం, ఆంథోసైనిన్ అనే ఎర్ర వర్ణద్రవ్యం, రోగనిరోధక శక్తిని మెరుగుపరిచే అన్ని ఇతర పోషకాలు ఉంటాయి. చెర్రీస్ గుండెపోటు, క్యాన్సర్ ప్రమాదాన్ని 50 శాతం తగ్గిస్తాయని నిపుణులు చెబుతున్నారు.
బ్రోకలీని తీసుకోవడం వల్ల శరీరంలో మంట తగ్గుతుంది. శరీరం నుండి విషపూరిత వ్యర్థాలను తొలగించడానికి పనిచేస్తుంది. ఆరోగ్య నిపుణుల అభిప్రాయం ప్రకారం.. బ్రోకలీ తీసుకోవడం వల్ల రొమ్ము క్యాన్సర్, చర్మ క్యాన్సర్, ప్రోస్టేట్ క్యాన్సర్, గర్భాశయ క్యాన్సర్ వంటి సమస్యలు రాకుండా చూసుకోవచ్చు.
యాపిల్స్‌లో యాంటీ ఆక్సిడెంట్, యాంటీ ఇన్‌ఫ్లమేటరీ, యాంటీ ట్యూమర్ లక్షణాలు ఉంటాయి. ఆపిల్‌ పండ్లని క్రమం తప్పకుండా తీసుకోవడం వల్ల కొలొరెక్టల్ క్యాన్సర్, ఊపిరితిత్తుల క్యాన్సర్, రొమ్ము క్యాన్సర్ వంటి సమస్యలు రాకుండా చూసుకోవచ్చని అనేక అధ్యయనాలు చెబుతున్నాయి.
