టమాటాల్లో ఎన్నో పోషకాలు ఉంటాయి. టమాటాలను తినడం వల్ల అనేక ప్రయోజనాలు కలుగుతాయి. టమాటాలు చర్మాన్ని సంరక్షిస్తాయి. టమాటాలను వివిధ రకాల పదార్థాలతో కలిపి ముఖానికి ఫేస్ మాస్క్లా వేసుకోవచ్చు. దీంతో ముఖం కాంతివంతంగా మారుతుంది. మొటిమలు, మచ్చలు పోతాయి. అలాగే ఇతర పదార్థాలతోనూ చర్మాన్ని సంరక్షించుకోవచ్చు. అదెలాగో ఇప్పుడు తెలుసుకుందాం.
1. మూడు టీస్పూన్ల చిక్కని పెరుగులో రెండు టీస్పూన్ల టమాటా గుజ్జు కలుపుకోవాలి. ఆ మిశ్రమాన్ని బాగా కలిపి ముఖానికి పట్టించాలి. తరువాత 10 నిమిషాలకు గోరు వెచ్చని నీటితో కడిగేయాలి. ఈ చిట్కాలను నెల రోజులు క్రమం తప్పకుండా పాటిస్తే మంచి ఫలితాలు కనిపిస్తాయి.
2. టమాటాలోని బ్లీచింగ్ కారకాలు చర్మాన్ని తెల్లగా మారుస్తాయి. టమాటా రసంలో కొద్దిగా పసుపు కలుపుకుని ముఖానికి పట్టించాలి. తరువాత పది నిమిషాలకు కడిగేయాలి. రాత్రి నిద్రించే ముందు ఇలా చేస్తే మంచిది. ఇలా నాలుగు వారాల పాటు చేస్తే ఫలితం ఉంటుంది.
3. ఆయిల్ స్కిన్ ఉన్నవారు ఈ చిట్కాను పాటిస్తే నిగారింపు సొంతమవుతుంది. మూడు టీస్పూన్ల పచ్చి పాలను ఒక గిన్నెలో తీసుకుని అందులో అర టీస్పూన్ పసుపు వేసి బాగా కలపాలి. ఆ తరువాత పది నిమిషాలు ఉంచుకుని కడిగేయాలి. వారానికి ఒకసారి మాత్రమే ఇలా చేయాలి. దీంతో చర్మం కాంతివంతంగా మారుతుంది.
4. రెండు టీస్పూన్ల పాలలో రెండు టీస్పూన్ల పసుపు వేసి బాగా కలపాలి. దీనిని రోజూ రాత్రి ముఖానికి అప్లే చేసి నిద్రించాలి. ఏ వయస్సు వారైనా దీన్ని పాటించవచ్చు. దీంతో ముఖంపై ఉండే జిడ్డు పోతుంది.
5. రెండు టీస్పూన్ల నాణ్యమైన శనగపిండి, రెండు టీస్పూన్ల మిల్క్ పౌడర్ను ఒక గిన్నెలో వేసి బాగా కలిపాక కొద్దిగా రోజ్ వాటర్ వేసి కలపాలి. చిక్కటి పేస్టు మాదిరిగా అయిన ఈ మిశ్రమాన్ని ముఖానికి పట్టించాలి. ఆ తరువాత పది నిమిషాలకు కడిగేయాలి. దీంతో చర్మం మృదువుగా మారుతుంది. కాంతివంతంగా ఉంటుంది. మొటిమలు, మచ్చలు పోతాయి.
