Oats For Heart Health : ప్రస్తుత తరుణంలో అనేక మంది ఆరోగ్యంగా ఉండేందుకు అనేక రకాల ప్రయత్నాలు చేస్తున్నారు. రోజూ వ్యాయామం చేయడం, పౌష్టికాహారం తీసుకోవడం వంటివి చేస్తున్నారు. అయితే కొందరికి చెప్పా పెట్టకుండా హార్ట్ ఎటాక్లు వస్తున్నాయి. ఇందుకు అనేక కారణాలు ఉంటున్నాయి. ఎంత ఆరోగ్యకరమైన జీవన విధానం పాటించినా నిత్యం టెన్షన్లు, ఒత్తిళ్లతో సతమతం అవుతున్నారు. ఇవే హార్ట్ ఎటాక్లకు ప్రధాన కారణాలు అని నిపుణులు సైతం చెబుతున్నారు. అందువల్లే యుక్త వయస్సులో ఉన్నవారు సైతం గుండె పోటు బారిన పడుతున్నారు. ప్రాణాలను కోల్పోతున్నారు. అయితే జీవితంలో ఇక ఎప్పటికీ హార్ట్ ఎటాక్ కానీ, ఇతర ఏ గుండె సమస్యలు కానీ రాకూడదు.. అని అనుకునే వారు రోజూ ఈ ఒక్క ఆహారం తింటే చాలు. దాంతో గుండె సేఫ్గా ఉంటుంది. ఎలాంటి సమస్యలు రావు. మరి గుండెను ఆరోగ్యంగా ఉంచే ఆ ఆహారం ఏమిటో ఇప్పుడు తెలుసుకుందామా.
మనకు ఇప్పుడు ఎక్కడ చూసినా మార్కెట్లో ఓట్స్ వివిధ రకాలుగా లభిస్తున్నాయి. గతంలో వీటిని కేవలం ధనవంతులు మాత్రమే తినేవారు. కానీ ఓట్స్ను చాలా మంది ఇప్పుడు తింటున్నారు. అయితే ఓట్స్ చాలా రకాలుగా లభిస్తున్నప్పటికీ వీటిని ఎలా పడితే అలా తినరాదు. మసాలా ఓట్స్ అని, స్వీట్స్తో కలిపిన ఓట్స్ అని వస్తున్నాయి. ఇలా తింటే ఎలాంటి ప్రయోజనం కలగదు. కనుక ఓట్స్ను నేరుగానే తినాలి. దీంతో ఉప్మా లేదా మీల్స్ చేసుకుని తినాలి. లేదంటే పాలు పోసుకుని చక్కెర లేకుండా ఉడికించి తినాలి. లేదా పండ్లతో కలిపి ఉడకబెట్టి తినాలి. ఇలా తింటేనే ఓట్స్ ద్వారా మనకు బెనిఫిట్స్ లభిస్తాయి. ఇక ఓట్స్ను రోజూ ఒక కప్పు తిన్నా చాలు.. మీ గుండె ఎప్పటికీ సేఫ్గా ఉంటుందని నిపుణులు చెబుతున్నారు.
ఓట్స్లో ఫైబర్ అధికంగా ఉంటుంది. ఇది శరీరంలోని చెడు కొలెస్ట్రాల్ (ఎల్డీఎల్)ను తగ్గిస్తుంది. మంచి కొలెస్ట్రాల్ (హెచ్డీఎల్) ను పెంచుతుంది. దీని వల్ల రక్తనాలాల్లో ఉండే కొవ్వు కరుగుతుంది. ఫలితంగా హార్ట్ ఎటాక్ వచ్చే అవకాశం తగ్గుతుంది. కనుక ఓట్స్ను రోజూ తినాలి. ఒక హైబీపీ సమస్య అదుపు తప్పితే దాంతో గుండె జబ్బులు లేదా హార్ట్ ఎటాక్ వచ్చే అవకాశాలు ఉంటాయి. కానీ ఓట్స్ను రోజూ ఒక కప్పు తింటే చాలు.. దాంతో హైబీపీ సులభంగా తగ్గిపోతుంది. ఓట్స్లో పలు రకాల బయో యాక్టివ్ సమ్మేళనాలు ఉంటాయి. ఇవి హైబీపీని తగ్గిస్తాయి. రక్త సరఫరాను మెరుగు పరుస్తాయి. దీంతో హార్ట్ ఎటాక్లు రావు. కనుక ఓట్స్ను తప్పక తీసుకోవాలి.
ఓట్స్లో యాంటీ ఆక్సిడెంట్లు, విటమిన్ ఇ, ఫినోలిక్ సమ్మేళనాలు అధికంగా ఉంటాయి. ఇవన్నీ కొలెస్ట్రాల్ను తగ్గించి గుండెను ఆరోగ్యంగా ఉంచుతాయి. అలాగే బరువు తగ్గేందుకు ఓట్స్ ఎంతగానో సహాయం చేస్తాయి. వీటిని తింటే బరువు తగ్గి గుండె జబ్బులు వచ్చే అవకాశాలు గణనీయంగా తగ్గుతాయి. కనుక ఓట్స్ను రోజువారీ ఆహారంలో భాగంగా తీసుకోవడం వల్ల గుండెను ఎల్లప్పుడూ సురక్షితంగా ఉంచుకోవచ్చు. దీంతో హార్ట్ ఎటాక్ రాకుండా చూసుకోవచ్చు.
