మారుతున్న జీవ‌న శైలిని బట్టి రోగాల సంఖ్య కూడా క్ర‌మేపి పెరుగుతుంది. సరైన జీవనశైలి లేక‌పోవ‌డం, చెడు అలవాట్లు వంటి కారణాల వల్ల అనేక వ్యాధులు ప్ర‌జ‌ల‌ని ఇబ్బందులు పెడుతున్నాయి. అయితే రక్తం గ్రూపును బట్టి వ్యాధులు వచ్చే అవకాశం ఉంటుందని మీకు తెలుసా? ప్రతి ఒక్కరికి ఒక్కో రకమైన బ్లడ్ గ్రూప్ ఉంటుంది, ఆయా బ్లడ్ గ్రూపులు కూడా విభిన్న లక్షణాలను కలిగి ఉంటాయి.బ్లడ్ గ్రూప్ కార‌ణంగా కూడా ఓ వ్య‌క్తి ప‌లు వ్యాధుల బారిన ప‌డుతుంటారు. మనలో చాలా మందికి O+, O-, A+, A-, B+, B-, AB+, AB- ఇలా ఏదో ఒక బ్లడ్ గ్రూప్ ఉంటుంది. మన బ్లడ్ గ్రూప్ ఏమిటో తెలిస్తే.. మనకు వచ్చే ఆనార్యోగాల ముప్పును కూడా గుర్తించవచ్చని నిపుణులు చెబుతున్నారు.
O బ్లడ్ గ్రూప్ ఉన్న వ్యక్తులు ఎక్కువ కాలం జీవిస్తార‌ని, ఇత‌ర బ్లడ్ గ్రూపుల వారికంటే వీరికి ప్రాణాంతక వ్యాధులు వచ్చే ప్రమాదం తక్కువ అని అంటున్నారు. 2022లో నిర్వహించిన ఒక పరిశోధనలో కొన్ని బ్లడ్ గ్రూప్‌లకి సంబంధించిన వ్య‌క్తులపై ప‌రిశోధ‌న నిర్వ‌హించారు. ఈ పరిశోధనలో 17,000 మంది స్ట్రోక్ బాధితులు మరియు 18 నుండి 59 సంవత్సరాల మధ్య వయస్సు గల 6 లక్షల మంది ఆరోగ్యవంతుల డేటా తీసుకోబడింది. ప‌రిశోధ‌న నిర్వ‌హించ‌గా, ‘A’ గ్రూప్ కలిగి ఉన్న వ్యక్తులు 60 సంవత్సరాల కంటే ముందు 16 శాతం ఎక్కువ స్ట్రోక్ వచ్చే అవకాశం ఉన్న‌ట్టు కనుగొన్నారు. మరోవైపు, ‘O+’ గ్రూప్ జన్యువులను కలిగి ఉన్న వ్యక్తులు 12 శాతం తక్కువ ప్రమాదాన్ని కలిగి ఉన్నారు స్ట్రోక్. ఈ ఫలితాలను మేరీల్యాండ్ విశ్వవిద్యాలయంలో సీనియర్ పరిశోధకుడు మరియు వాస్కులర్ న్యూరాలజిస్ట్ స్టీవెన్ కిట్నర్ తెలియ‌జేశారు.
O బ్లడ్ గ్రూప్ ఉన్నవారి కంటే A బ్లడ్ గ్రూప్ ఉన్నవారికి హైపర్లిపిడెమియా, అథెరోస్క్లెరోసిస్, గుండె వైఫల్యం వచ్చే ప్రమాదం ఎక్కువగా ఉందని అధ్యయనంలో తేలింది. అయితే B బ్లడ్ గ్రూప్ ఉన్నవారికి O ఉన్నవారి కంటే గుండెపోటు వచ్చే అవకాశం ఉంది. ఇటువంటి పరిస్థితిలో, A బ్లడ్ గ్రూప్ ఉన్నవారిలో గుండె వైఫల్యం, స్లీప్ అప్నియా, అథెరోస్క్లెరోసిస్, హైపర్లిపిడెమియా, అటోపీ ప్రమాదం చాలా ఎక్కువగా ఉంటుంది. A,B రక్త వర్గాలకు చెందిన వారికి గుండె పోటు వచ్చే అవకాశం 8 శాతం, గుండె ఆగిపోయే ప్రమాదం 10 ఎక్కువ. వీరిలో సిరల్లో రక్తం గడ్డ కట్టే ప్రమాదం 51 శాతం ఎక్కువ. అలాగే పల్మనరీ ఎంబోలిజమ్ వచ్చే అవకాశం 47 శాతం అధికం. అలాగే రక్తం గడ్డ కట్టే రుగ్మతలు ఎక్కువగా కలిగే అవకాశం ఉంది. ఇవన్నీ గుండె హఠాత్తుగా ఆగిపోయే ప్రమాదాన్ని పెంచుతాయి. నాన్-ఓ బ్లడ్ గ్రూపులు ఉన్న వ్యక్తులకు జీర్ణశయాంతర రక్తస్రావం, హైపర్‌టెన్షన్ వచ్చే ప్రమాదం తక్కువగా ఉంటుందని అధ్యయనం వెల్లడించింది.
