10000 Steps Per Day : మ‌నం ఆరోగ్యంగా ఉండాలంటే రోజూ పౌష్టికాహారం తీసుకోవ‌డంతోపాటు వ్యాయామం కూడా చేయాల‌న్న సంగ‌తి తెలిసిందే. అయితే వ్యాయామాల‌న్నింటిలోకెల్లా వాకింగ్ అనేది చాలా తేలికైన, సుల‌భ‌మైన వ్యాయామం. ఇందుకు ఎలాంటి డ‌బ్బు ఖ‌ర్చు చేయాల్సిన ప‌నిలేదు. ఇంటి ద‌గ్గ‌రే స‌రైన ప్ర‌దేశంలో రోజూ వీలు కుదిరిన స‌మ‌యంలో వాకింగ్ చేయ‌వ‌చ్చు. రోజూ క‌నీసం 30 నిమిషాల పాటు అయినా వాకింగ్ చేయాల‌ని వైద్య నిపుణులు కూడా సూచిస్తుంటారు. చిన్నారుల నుంచి పెద్ద‌ల వరకు ఎలాంటి ఒత్తిడి లేకుండా వాకింగ్‌ను చాలా సుల‌భంగా చేయ‌వ‌చ్చు. దీని వ‌ల్ల మ‌న‌కు ఎన్నో ఆరోగ్య‌క‌ర‌మైన ప్ర‌యోజ‌నాలు క‌లుగుతాయి.
అయితే రోజూ మ‌నం క‌నీసం 10వేల అడుగుల దూరం అయినా స‌రే వాకింగ్ చేయాల‌ట. ఈవిధంగా వాకింగ్ చేస్తే మ‌న‌కు ఎన్నో అద్భుత‌మైన లాభాలు క‌లుగుతాయ‌ని సైంటిస్టులు చెబుతున్నారు. సాధార‌ణంగా రోజూ చాలా మంది 30 నిమిషాలు లేదా ఒక గంట‌పాటు వాకింగ్ చేస్తారు. అలా కాకుండా 10వేల అడుగుల దూరం న‌డిస్తే చాలు. ఇందులో స‌మ‌య‌పాల‌న పాటించాల్సిన ప‌నిలేదు. ఈ మొత్తం దూరాన్ని మీ ఇష్టం వ‌చ్చినంత స‌మ‌యంలోగా పూర్తి చేయ‌వ‌చ్చు. ఇక 10వేల అడుగులు న‌డిచామ‌ని ఎలా తెలుస్తుంది అంటే మ‌న‌కు ఫోన్ ఉందిగా. అందులో పెడోమీట‌ర్ యాప్స్ ఉంటాయి. లేదా స్మార్ట్‌వాచ్‌, స్మార్ట్ బ్యాండ్ వంటివి కూడా వాడ‌వ‌చ్చు. వీటి స‌హాయంలో మ‌నం ఎన్ని అడుగుల దూరం న‌డిచామో సుల‌భంగా తెలిసిపోతుంది. దీంతో రోజూ 10వేల అడుగుల దూరాన్ని సుల‌భంగా న‌డ‌వ‌వ‌చ్చు. ఇక ఈ విధంగా వాకింగ్ చేయ‌డం వ‌ల్ల ఏం జ‌రుగుతుందో ఇప్పుడు తెలుసుకుందాం.
రోజూ 10వేల అడుగుల దూరం వాకింగ్ చేస్తే ఊపిరితిత్తుల కెపాసిటీ పెరుగుతుంది. దీంతో ఊపిరితిత్తులు ఆరోగ్యంగా మారుతాయి. ఊపిరితిత్తుల్లో ఉండే వ్య‌ర్థాలు బ‌య‌ట‌కుపోతాయి. శ్వాస‌కోశ స‌మ‌స్య‌లు ఉన్న‌వారికి ఇది ఎంత‌గానో మేలు చేస్తుంది. ఇక రోజూ 10వేల అడుగులు న‌డిస్తే గుండె ఆరోగ్యం మెరుగుప‌డుతుంది. హార్ట్ ఎటాక్ వ‌చ్చే అవ‌కాశాలు గ‌ణ‌నీయంగా త‌గ్గుతాయి.
రోజూ క‌నీసం 10వేల అడుగుల దూరం న‌డిచే వారిలో స్ట్రోక్స్ వ‌చ్చే అవ‌కాశం చాలా వరకు త‌గ్గుతుంద‌ని సైంటిస్టులు తేల్చారు. రోజూ ఈ విధంగా వాకింగ్ చేయ‌డం వ‌ల్ల డ‌యాబెటిస్ వ‌చ్చే అవ‌కాశం త‌గ్గుతుంది. షుగ‌ర్ ఉన్న‌వారిలో ఆ లెవ‌ల్స్ గ‌ణ‌నీయంగా త‌గ్గుతాయి. డ‌యాబెటిస్ క‌చ్చితంగా అదుపులోకి వ‌స్తుంది. అధిక బ‌రువు త్వ‌ర‌గా త‌గ్గుతారు. శ‌రీరంలోని కొవ్వు క‌డిగేసిన‌ట్లు ఇట్టే క‌రిగిపోతుంది. మూడ్ మారుతుంది, మ‌న‌స్సు, మైండ్ రిలాక్స్ అవుతాయి. నిద్ర చ‌క్క‌గా ప‌డుతుంది. నిద్ర‌లేమి త‌గ్గుతుంది. శ‌రీర రోగ నిరోధ‌క శ‌క్తి పెరుగుతుంది. ఇన్ని లాభాలు ఉన్నాయి క‌నుక రోజూ క‌నీసం 10వేల అడుగులు న‌డిచే ప్ర‌య‌త్నం చేయండి. దీంతో అన్ని విధాలుగా ఆరోగ్యంగా ఉండ‌వ‌చ్చు.
