కరోనా కాలంలో మానవత్వం చాటుకుంటూ ‘రియల్ హీరో’గా నీరాజనాలు అందుకున్నారు. ‘రీల్ విలన్’ సోను సూద్. లాక్ డౌన్ కారణంగా ఇబ్బందుల పాలైన వలస కార్మికుల పాలిట దేవుడిలా మారి వారిని సొంత ఖర్చుతో స్వస్థలాలకు చేర్చారు. ‘నిసర్గ’ తుఫాను బాధితులకు అండగా నిలిచి పెద్ద మనసు చాటుకున్నారు. ఈ నేపథ్యంలో నటుడిగా సుపరిచితుడైన సోనుసూద్ జీవితంలోని మరికొన్ని ఆసక్తికర విషయాలు మీ కోసం.
సోనుసూద్ 23 సంవత్సరాలకే పెళ్లి చేసుకున్నారు. అతని భార్య సోనాలి. కల్లాకర్ అనే తమిళ సినిమాతో వెండితెర అరంగేట్రం చేశారు. సినీ బ్యాక్ గ్రౌండ్ లేకపోవడంతో ఆయన కెరీర్ తొలినాళ్లలో బాలీవుడ్ ఇండస్ట్రీలో ఒక్క అవకాశం కూడా దక్కించుకోలేకపోయారు. ఆయన ఆరుగురుతో కలిసి ఒకే రూమ్ లో ఉంటూ సినిమా అవకాశాల కోసం ప్రయత్నించేవారట. ప్రముఖ హాలీవుడ్ యాక్టర్ సిల్వెస్టర్ స్టాలోన్ అంటే సోనుసూద్ కు చాలా ఇష్టం. ఆయన స్ఫూర్తితోనే సోను జిమ్ కు వెళ్లే వారట. వెళ్లడం ప్రారంభించారు. బాగా కష్టపడి సిక్స్ ప్యాక్ బాడీని పెంచారు. ఇప్పటికీ ఆయన కఠోరమైన వ్యాయామాలు చేస్తూనే ఉంటారు. అందుకే దాదాపు 50 ఏళ్ల వయసు వచ్చిన యువకుడి లాగానే కనిపిస్తున్నారు. బాడీ పెంచడం మాత్రమే కాదు. ఆయన కిక్ బాక్సింగ్ కూడా నేర్చుకున్నారు. జాకిచాన్ తో సోను కి మంచి పరిచయాలు ఉన్నాయి. తెర కూడా పంచుకున్నారు.
సోనుసూద్ ఇంజనీరింగ్ పూర్తి చేశారు. ఆయనకు ధూమపానం, మద్యపానం లాంటి చెడు అలవాట్లు లేవు. ఆరోగ్యం పాడవుతుందని ఆయన అన్ని చెడు అలవాట్లకు దూరంగా ఉన్నారు. ఆయన ఎక్కువగా పార్టీలకు కూడా వెళ్లరు. ఖాళీ సమయం దొరికితే కుటుంబ సభ్యులతో గడుపుతారు. ఉత్తమ విలన్ గా అవార్డు అందుకున్న తొలి బాలీవుడ్ యాక్టర్ సోనుసూద్ కావడం విశేషం. ‘అరుంధతి’ సినిమాకు ఆయనకు అవార్డు లభించింది. సోనుసూద్ ఎటువంటి వివాదాల్లో చిక్కుకోలేదు.
కెరీర్ మొత్తంలో ఆయనపై చిన్న మచ్చ కూడా పడలేదు. కరోనా సమయంలో రియల్ హీరోగా మారిన సోను తన సొంత హోటల్స్ ను సైతం క్వారంటైన్ సెంటర్లుగా మార్చారు. అయితే ఆ తరువాతే కోట్ల రూపాయలు పన్ను ఎగవేశారని ఆయన కార్యాలయాలు, ఇళ్లపై రైడ్స్ జరిగాయి. అనుష్క ప్రధాన పాత్రలో వచ్చిన ‘అరుంధతి’ లో అఘోరా పాత్ర వేసి ఉత్తమ విలన్ గా అవార్డు అందుకున్నారు. ఈ పాత్రతోనే ఆయనకు ప్రత్యేక గుర్తింపు వచ్చింది. ఆయన కెరీర్ ను కూడా మలుపు తిప్పింది. సల్మాన్ ఖాన్ ‘దబాంగ్’ సినిమాలో చెడ్డి సింగ్ గా విలన్ పాత్ర పోషించారు. ఈ పాత్రకు ఆయనకు విమర్శకుల ప్రశంసలు దక్కాయి.
