మనం మన జీవితంలో ఎదగాలంటే ఎంతో ఓపిక అలాగే శాంతి గా ఉండాల్సిన అవసరం ఎంతైనా ఉంది. ఎంతో ఓపిగ్గా పని చేసుకుంటూ ముందుకు వెళితే మనం ఇలాంటి సమస్యలే అయినా ఎదుర్కొనవచ్చు. అయితే మన నిత్య జీవితంలో నాలుగు విషయాలను దూరం చేస్తే జీవితం సాఫీగా కొనసాగుతుందని చాణక్యనీతి చెబుతోంది. అయితే ఆ నాలుగు సూత్రాలు ఏంటో ఇప్పుడు తెలుసుకుందాం. టైం వేస్ట్ చేయకూడదు : సమయం ఒకసారి గడిచి పోతే మళ్ళీ రాదు. సమయపాలన లేదు అంటే ఖచ్చితంగా విఫలమవుతారు. ఓటమి ఎదుర్కోవడం తథ్యం. కాబట్టి టైం వేస్ట్ చేయకుండా ఉన్న సమయాన్ని సరైన దానికి ఉపయోగించాలి. అప్పుడే విజయం మీ సొంతమవుతుంది.
నెగిటివ్ ఆలోచన ఉండకూడదు : మన జీవితంలో నెగెటివ్ ఆలోచనలను ఎప్పుడు దరిచేరనివ్వ వద్దు. ఎప్పుడూ పాజిటివ్ గా ఆలోచించి.. ఎలాంటి సమస్యలనైనా ఎదుర్కోవాలి. అప్పుడే జీవితం సాఫీగా ఉంటుంది. అహంకారం వద్దు : అహంకారం ఉంది అంటే జీవితంలో ముందుకు వెళ్ళడం కష్టం. ఎప్పుడూ కూడా జీవితంలో ఒదిగి ఉండాలి. అహంకారం ఉంటే పాతాళానికి వెళతారు.
కోపం అస్సలు పనికిరాదు : కోపం ఉంటే కూడా ఓడిపోతూ ఉంటారు. కోపం వల్ల జీవితంలో ఎన్నో సమస్యలు వస్తాయి. పైగా కోపం ఉంటే ఎవరూ ఇష్టపడరు కాబట్టి మనం దానిని వదిలేయాలి.
