సాధారణంగా ఉద్యోగస్తులు ఆహారానికి ప్రాధాన్యతనివ్వరు. దానికి తగినట్లు వారి రాత్రి పని సమయంకూడా ఆరోగ్యాన్ని మరింత పాడుచేస్తుంది. రాత్రి షిఫ్టులలో పని చేసేవారు ఆహార విషయంలో అశ్రధ్ధ చేయటం, జీవన విధానాలు సరిగా ఆచరించకపోవటం చేస్తారు. రాత్రంతా మెళకువగా వుండి పనిచేయాలంటే అవసరమైన శక్తి కి గాను సరైన ఆహారం తీసుకోవాలి. రాత్రులందు పని చేసే వారి ఆహారం ఎలా వుండాలో చూద్దాం. నిద్ర వస్తోందనుకున్నా లేక, బాగా అలసిపోయామనుకున్నా ఒక కప్పు కాఫీ తాగండి. ఒక కప్పు కాఫీ 7 నుండి 8 గంటలు నిద్ర దూరం చేస్తుందని తెలుసుకోండి. అది యాక్టివ్ గా కూడా వుంచుతుంది. కాని ఒక కప్పు మాత్రమే తీసుకోండి.
వెజిటబుల్ సలాడ్, గ్రిల్డ్ చికెన్, రైస్ లేదా పస్తా వంటివి తక్కువ కొవ్వు కల ఛీజ్, టమాట సాస్ లతో తీసుకోండి. ఇవి బరువును నియంత్రించి ఆరోగ్యం బాగా వుండేలా చేస్తుంది. రాత్రి వేళ తినేవి ఫ్రిజ్ లో పెట్టినవిగా వుండరాదు. వీటిలో పోషకాలు పోతాయి. ఒకవేళ ఫ్రిజ్ పదార్ధాలు తీసుకున్నట్లయితే, వాటితో పాటు పండ్లు లేదా కూరగాయలవంటివి జతచేసి శరీరానికవసరమైన పోషకాలు అందించండి. డీహైడ్రేషన్, అలసటవంటి సమస్యలు రాకుండా నీరు బాగా తాగండి. రాత్రులందు మెళకువ శరీరంలో నీరు తగ్గిస్తుంది.
బాదం పప్పులు, అప్రికాట్లు, పైన్, బఠాణీల మొదలైన విటమిన్ ఇ అధికంగా వున్న ఆహారం శరీరంలో శక్తి పెంచుతుంది. తక్కువ కొవ్వుకల పెరుగు, గోధుమ బ్రెడ్ వంటివి స్నాక్స్ గా తీసుకోండి. బర్గర్లకు బదులుగా వెజిటబుల్ శాండ్ విచెస్ తీసుకోండి. రాత్రిపూట పని చేసే వారు షుగర్, ఫ్యాట్ అధికంగా వుండే ఆహారం తీసుకోరాదు. ఇది వారిని బద్ధకానికి గురి చేసి బరువు పెంచుతుంది. రాత్రి షిఫ్టులు పనిచేసే ఉద్యోగులు ఈ రకమైన ఆరోగ్యకర పదార్ధాలు తింటే రాత్రంతా ఫిట్ గాను చురుకుగాను ఉంటారు.
