నెయ్యి ఎంత తిన్నా ఫరవాలేదని, అది ఒబెసిటీని కలిగించదనే వాదనలు పూర్తిగా నిజం కాదు. నిజానికి, ఈ వాదన చాలా పాత కాలం నుండి వస్తున్నది. అయితే, ఆధునిక పోషకాహార శాస్త్రం దీనికి భిన్నమైన వివరణ ఇస్తుంది. నెయ్యిలో విటమిన్ కె, విటమిన్ ఎ, విటమిన్ డి లాంటి కొన్ని ముఖ్యమైన పోషకాలు ఉంటాయి నెయ్యి శరీర రోగ నిరోధక శక్తిని పెంచుతుంది. జీర్ణక్రియను మెరుగుపరుస్తుంది. చర్మాన్ని ఆరోగ్యంగా ఉంచుతుంది. నెయ్యిలో కేలరీలు ఎక్కువగా ఉంటాయి. ఒక చెంచా నెయ్యిలో దాదాపు 120 కేలరీలు ఉంటాయి. నెయ్యిలో చాలావరకు సంతృప్త కొవ్వులు ఉంటాయి. సంతృప్త కొవ్వులు అధికంగా తీసుకోవడం రక్తంలో కొలెస్ట్రాల్ స్థాయిని పెంచుతుంది, ఇది గుండె జబ్బులు వచ్చే ప్రమాదాన్ని పెంచుతుంది.
అధిక కేలరీలను తీసుకుంటే, వాటిని బర్న్ చేయకపోతే శరీరంలో కొవ్వుగా నిల్వ చేయబడుతుంది, దీని వల్ల బరువు పెరుగుదల, ఒబెసిటీ వచ్చే ప్రమాదం ఉంటుంది. నెయ్యి తీసుకోవడం ఆరోగ్యానికి మేలు చేస్తుందని కొన్ని పరిశోధనలు సూచిస్తున్నాయి. నెయ్యిలో ఉండే బ్యూటిరిక్ ఆమ్లం జీర్ణ వ్య‌వ‌స్థ‌లో ఉండే మంచి బ్యాక్టీరియాను పెంచుతుంద‌ని, వ్యాధి నిరోధక వ్యవస్థను మెరుగుపరుస్తుందని తెలుసుకున్నారు. అలాగే నెయ్యి శరీరంలో మంచి కొలెస్ట్రాల్ (HDL) స్థాయిలను పెంచగలదు, ఇది గుండె ఆరోగ్యానికి దోహదపడుతుంది. సంతృప్త కొవ్వులు అధికంగా తీసుకోవడం వల్ల శరీరంలో చెడు కొలెస్ట్రాల్ (LDL) స్థాయిలు పెరగడం ద్వారా గుండె జబ్బులు వచ్చే ప్రమాదం కూడా ఉంది. ప్రపంచ ఆరోగ్య సంస్థ (WHO) వంటి ప్రముఖ ఆరోగ్య సంస్థలు సంతృప్త కొవ్వుల వినియోగాన్ని మొత్తం కాలరీలలో 10% కంటే తక్కువగా ఉంచాలని సిఫార్సు చేస్తాయి.
నెయ్యి ఆరోగ్యానికి మంచిదే అయినప్పటికీ, అది అధికంగా తీసుకోవడం మంచిది కాదు. అన్ని ఆహారాల మాదిరిగానే నెయ్యిని కూడా మితంగా తీసుకోవడం మంచిది.
