పల్స్ రేట్ అంటే నిమిషానికి గుండె ఎన్ని సార్లు కొట్టుకుంటుందో దాన్ని సూచిస్తుంది. మనం నాడిని తాకినప్పుడు గుండె కొట్టుకునే ప్రతిసారీ ఒక చిన్న తాకిడి అనిపిస్తుంది. అదే పల్స్. మణికట్టు లోపలి భాగంలో, మోచేయి వంచినప్పుడు ఒక ఎముక, కండరాల మధ్య నాడిని సులభంగా గుర్తించవచ్చు. ఒక నిమిషం పాటు నాడిని తాకి, గుండె కొట్టుకున్న సంఖ్యను లెక్కించాలి. లెక్కించిన సంఖ్యే మీ పల్స్ రేట్. లేదా… 30 సెకన్ల పాటు లెక్కించి, ఆ సంఖ్యను రెట్టింపు చేయవచ్చు.
సాధారణంగా పల్స్ రేట్ వయస్సు, లింగం, ఆరోగ్య స్థితి, శారీరక శ్రమ, ఇతర కారకాలపై ఆధారపడి మారుతూ ఉంటుంది. ఆరోగ్యకరమైన పల్స్ రేటు నిమిషానికి 60 నుండి 100 కొట్టుకునే వరకు ఉంటుంది. పిల్లలలో పల్స్ రేటు పెద్దల కంటే ఎక్కువగా ఉంటుంది. తరచుగా శారీరక శ్రమ చేసే వారిలో పల్స్ రేటు తక్కువగా ఉండవచ్చు. గుండె జబ్బులు ఉన్నవారిలో పల్స్ రేటు ఎక్కువగా లేదా తక్కువగా ఉండవచ్చు.
మీ పల్స్ రేటు ఎల్లప్పుడూ ఎక్కువగా లేదా తక్కువగా ఉంటే, శారీరక శ్రమ లేకుండా కూడా మీ హృదయం బలంగా కొట్టుకుంటుంటే, మీకు తరచూ తల తిరుగుతున్నట్లు లేదా గుండె కొట్టుకునే శబ్దం వినిపిస్తే, మీరు శ్వాస తీసుకోవడంలో ఇబ్బంది పడుతుంటే క‌చ్చితంగా డాక్ట‌ర్‌ను సంప్ర‌దించాలి.
