తెలుగు ఇండస్ట్రీలో ఎంతోమంది స్టార్ హీరోలు ఉన్నారు. వాళ్లతో సినిమాలు చేసినప్పుడు నిర్మాతలకు లాభాల పంట పండుతుందని అనుకుంటారు అందరూ. కానీ అదే సినిమా ఫ్లాప్ అయితే మాత్రం చరిత్రలో నిలిచిపోయేలా నష్టాలు కూడా వస్తాయి. అలా ఈ మధ్యకాలంలో తెలుగు ఇండస్ట్రీలో భారీ నష్టాలు తీసుకొచ్చిన కొన్ని సినిమాలు చూద్దాం. పవన్ కళ్యాణ్ 25వ సినిమాగా త్రివిక్రమ్ శ్రీనివాస్ తెరకెక్కించిన ఈ చిత్రంపై నభూతో అనే అంచనాలు ఉన్నాయి. కానీ విడుదల తర్వాత అయిన తరువాత నాభవిష్యతి అనేలా ఫ్లాప్ అయిపోయింది అజ్ఞాతవాసి. దాదాపు 55 కోట్లకు పైగా నష్టాలు తీసుకొచ్చింది ఈ చిత్రం. మహేష్ బాబు హీరోగా శ్రీకాంత్ అడ్డాల తెరకెక్కించిన బ్రహ్మోత్సవం 40 కోట్ల వరకు నష్టాలు తీసుకువచ్చింది. ఆ దెబ్బకు ఇప్పటికీ ఇంకా కోలుకోలేకపోయాడు శ్రీకాంత్.
మెహర్ రమేష్ తెరకెక్కించిన శక్తి చిత్రం తెచ్చిన నష్టాల నుంచి బయటపడడానికి అశ్విని దత్ లాంటి అగ్ర నిర్మాతకు కూడా ఏడేళ్లు పట్టిందంటే శక్తి షాక్ అర్థం చేసుకోచ్చు. జూనియర్ కెరియర్ లో ఇదే బిగ్గెస్ట్ డిజాస్టర్. అప్పటివరకు వరుస విజయాలతో దూసుకుపోతూ మినిమం గ్యారంటీ హీరోగా ఉన్న రామ్ చరణ్, తుఫాన్ సినిమాతో చెత్త రికార్డు అందుకున్నాడు. ఈ చిత్రం దారుణమైన నష్టాలు తీసుకొచ్చింది. ప్రభాస్ కెరియర్ లో అత్యధిక నష్టాలు తీసుకువచ్చిన సినిమా రెబల్. అప్పట్లో ఈ చిత్రంపై లారెన్స్ తో గొడవ పడ్డారు నిర్మాతలు భగవాన్, పుల్లారావు.
బాలయ్య కెరీర్ లో దారుణంగా నిరాశపరిచిన సినిమా ఒక్కమగాడు. అప్పట్లో వైవిఎస్ చౌదరి తెరకెక్కించిన ఈ చిత్రంపై ఆకాశమంత అంచనాలు ఉన్నాయి. కానీ విడుదలైన తర్వాత దారుణంగా ముంచేసింది ఒక్క మగాడు. మహేష్ బాబు, మురుగదాస్ లాంటి క్రేజీ కాంబినేషన్లో వచ్చి 50 కోట్లకు పైగా నష్టాలను తీసుకువచ్చిన సినిమా స్పైడర్. తెలుగు, తమిళ భాషల్లో ఈ చిత్రం డిజాస్టర్ అయ్యింది. వెంకటేష్ హీరోగా మెహర్ రమేష్ తెరకెక్కించిన షాడో చిత్రం 20 కోట్లకు పైగా నష్టాలను తీసుకొచ్చింది. నాగార్జున కెరీర్ లో కేడి సినిమాను మించిన డిజాస్టర్ గా మన్మధుడు 2 నిలిచింది. అనవసరంగా పాత మన్మధుడు ఇమేజ్ దెబ్బతీశారని దర్శకుడు రాహుల్ రవీంద్రనాథ్ పై విమర్శలు కూడా వచ్చాయి. పవన్ కళ్యాణ్ నటించిన కొమరం పులి పాతిక కోట్ల నష్టాలు తీసుకొచ్చింది.
