Super Star Krishna : తెలుగు ఇండస్ట్రీలో ఎన్నో యాక్షన్ చిత్రాల్లో నటించి తనకంటూ ప్రత్యేక ఇమేజ్ సొంతం చేసుకున్నారు సూపర్ స్టార్ కృష్ణ. టాలీవుడ్ లో జేమ్స్ బాండ్, కౌబాయ్ తరహా చిత్రాలను తీసుకు వచ్చి ఒక ట్రెండ్ సృష్టించారు. డేరింగ్ అండ్ డాషింగ్ సూపర్ మాన్ గా కృష్ణ గారిని అందరూ మెచ్చుకుంటారు. ఆయన గట్స్ కి, మొండితనానికి, అనుకున్నది సాధించే వరకు పట్టువదలని విక్రమార్కుడు లాంటి ఆయన మనస్తత్వనికి ఎంతోమంది ఫిదా అయ్యారు. కేవ‌లం సినిమాల‌నే కాకుండా ఆయన మనస్తత్వాన్ని బ‌ట్టి కూడా చాలామంది అభిమానులు అయ్యారు. అయితే కృష్ణ గారు త‌న జీవితంలో 4 త‌ప్పుల‌ను చేశార‌ని అంటూ ఉంటారు.
అందులో మొదటిది హీరోయిన్ కావాల‌నుకున్న త‌న కూతురిని ఆప‌డం. నిజానికి మంజుల హీరోయిన్ అవుతానంటే కృష్ణ నో చెప్ప‌లేదు. కానీ సూపర్ స్టార్ అభిమానులు మాత్రం మంజుల హీరోయిన్ గా చేయకూడ‌ద‌ని ర‌చ్చ చేశారు. దాంతో కృష్ణ వెన‌క్కిత‌గ్గాల్సి వ‌చ్చింది. కృష్ణ ఎస్పీ బాల‌సుబ్ర‌మ‌ణ్యంతో వ్య‌వ‌హ‌రించిన తీరు కూడా చాలామందికి న‌చ్చ‌లేదు. చెప్పుడు మాట‌లు విన‌డం వ‌ల్లే బాల‌సుబ్ర‌మ‌ణ్యంతో వైరం ఏర్ప‌డింద‌ని చెబుతుంటారు. మూడో మిస్టేక్ ఏంటంటే.. ద‌ర్శ‌కుడు రేలంగి న‌ర‌సింహారావుతో హీరో శోభ‌న్ బాబుతో సంసారం అనే సినిమా తీశాడు. ఈ సినిమా బ్లాక్ బ‌స్ట‌ర్ అయ్యింది. దాంతో రేలంగి ద‌ర్శ‌క‌త్వంలో ఓ సినిమా చేస్తాన‌ని కృష్ణ చెప్పాడు.
కానీ ఈ సినిమా విష‌యంలోనూ రేలంగి త‌ప్పులేకున్నా కృష్ణ ఆయ‌నపై ఫైర్ అయ్యార‌ట. ఇదిలా ఉండగా నిర్మాత రామానాయుడు కృష్ణ శోభ‌న్ బాబు హీరోలుగా ముందడుగు సినిమా చేశారు. ఆ త‌ర‌వాత కృష్ణతో మ‌రో సినిమా చేయాల‌ని రామానాయుడు కోరార‌ట. దాంతో కృష్ణ ద‌ర్శ‌కుడిగా రాఘ‌వేంద్ర‌రావు ఉండాల‌ని.. ర‌చ‌యిత‌లుగా ప‌రిచూరి బ్ర‌ద‌ర్స్ ఉండాల‌ని కండిషన్స్ పెట్టారు. అయిన‌ప్ప‌టికీ రామానాయుడు ఓకే చెప్పి వారిని సెట్ చేశార‌ట. కానీ కృష్ణ తాను వేరే నిర్మాత‌తో క‌మిట్ అయ్యాన‌ని కావాలంటే ఇద్ద‌రి భాగ‌స్వామ్యంలో చేస్తాన‌ని చెప్పార‌ట. దాంతో రామానాయుడు హ‌ర్ట్ అయ్యి ఆ సినిమాను ప‌క్క‌న పెట్టేసి వెంక‌టేష్ ను హీరోగా ప‌రిచ‌యం చేశార‌ట.
