Assembly Rowdy : క‌లెక్ష‌న్ కింగ్ మోహన్ బాబు కెరీర్‌లోని సూప‌ర్ హిట్ చిత్రాల‌లో అసెంబ్లీ రౌడీ ఒక‌టి. గోపాల్ డైరెక్షన్ లో తెరకెక్కిన ఈ సినిమా బాక్సాఫీస్ వద్ద బ్లాక్ బస్టర్ హిట్ గా నిలిచింది.దివ్య భారతి ఈ సినిమాలో హీరోయిన్ గా నటించగా కె.వి.మహదేవన్ ఈ సినిమాకు సంగీతం అందించారు. దివ్యభారతికి ఈ సినిమా రెండో తెలుగు సినిమా కావడం గమనార్హం.తమిళంలో హిట్టైన ఒక సినిమా ఆధారంగా ఈ సినిమా తెరకెక్కింది.తిరుపతి చుట్టుపక్కల ప్రాంతాల్లో 48 రోజులలో ఈ సినిమా షూటింగ్ పూర్తైంది. కోలీవుడ్ లో సత్యరాజ్ హీరోగా శ్రీవాసు దర్శకత్వంలోరూపొందిన ఈ సినిమా అక్కడ మంచి విజయం సాధించ‌డంతో తెలుగులో ఈ చిత్రాన్ని అసెంబ్లీ రౌడీ పేరుతో రీమేక్ చేశారు.
ఈ సినిమా టైటిల్ అప్పట్లో సంచలనంగా మారింది. ఏపీ అసెంబ్లీని మూడు రోజుల పాటు ఈ సినిమా పేరు కుదిపేసింది. టైటిల్‌ని బ‌ట్టి అసెంబ్లీలో ఉన్న వాళ్ల రౌడీలుగా చెబుతున్నారా, ఈ టైటిల్ ఎలా పెడ‌తారు, ఈ సినిమాని బ్యాన్ చేయాలంటూ డిమాండ్ చేశారు. అయితే అప్పుడు స్పీకర్ గా ఉన్న ఆలపాటి ధర్మారావు ఈ సినిమా చూశాడు.కేవలం టైటిల్ మాత్రమే అసెంబ్లీ రౌడీ అని ఉందని.ఈ సినిమాలో ప్రజా ప్రతినిధులను కించపరిచే ఎలాంటి సన్నివేశాలు లేవని చెప్పాడు.అప్పుడు ఎమ్మెల్యేలు సైలెంట్ అయ్యారు. అయితే ఈ సినిమా విజ‌యానికి అప్ప‌టి గొడ‌వ కూడా ఓ కార‌ణ‌మ‌ని గోపాల్ ఓ ఇంట‌ర్వ్యూలో చెప్పాడు.
మోహన్ బాబు, దివ్య భారతి నటన, గోపాల్ టేకింగ్, పరుచూరి బ్రదర్స్ డైలాగులు ఈ సినిమా హిట్ కు మరో కార‌ణం అని చెప్పాలి. కేటుగాడు సినిమాతో హీరోగా కెరీర్ ను మొదలుపెట్టిన మోహన్ బాబు ఆ ప్రయత్నంలో సక్సెస్ అయ్యారు. ఆ తర్వాత మోహన్ బాబు హీరోగా నటించిన పలు సినిమాలు ఫ్లాప్ కాగా అల్లుడుగారు సినిమాతో మోహన్ బాబు మరో సక్సెస్ ను సాధించారు. ఈ సినిమా మోహన్ బాబును నిర్మాతగా నిలబెట్టింది. ఆ తర్వాత మోహన్ బాబు నటించిన అసెంబ్లీ రౌడీ సంచలన విజయాన్ని సొంతం చేసుకుంది.
