నాగ్ అశ్విన్ దర్శకత్వంలో వచ్చిన మహానటి సినిమాలో జెమిని గణేశన్ పాత్రలో నటించి మెప్పించారు. ఈ సినిమాతోనే దుల్కర్ మన తెలుగు ప్రేక్షకులకు దగ్గరయ్యాడు. ఈ సినిమా తర్వాత తెలుగు దర్శకుడు హను రాఘవపూడి దర్శకత్వం వహించిన సీతారామం సినిమా చేశాడు. మలయాళ స్టార్ హీరో దుల్కర్ సల్మాన్ ఇప్పుడు మన టాలీవుడ్ హీరో అయ్యాడు. మలయాళ భాషలో ఎన్నో సూపర్ హిట్ సినిమాలు చేసిన దుల్కర్.. ఇప్పుడు వరుసగా తెలుగులో సినిమాలు చేస్తున్నాడు. మణిరత్నం దర్శకత్వం వహించిన ఒకే బంగారం సినిమాతో తెలుగు ప్రేక్షకులకు పరిచయం అయ్యాడు ఈ యంగ్ హీరో.. ఆ తర్వాత నాగ్ అశ్విన్ దర్శకత్వంలో వచ్చిన మహానటి సినిమాలో జెమిని గణేశన్ పాత్రలో నటించి మెప్పించారు. ఈ సినిమాతోనే దుల్కర్ మన తెలుగు ప్రేక్షకులకు దగ్గరయ్యాడు.
ఈ సినిమా తర్వాత తెలుగు దర్శకుడు హను రాఘవపూడి దర్శకత్వం వహించిన సీతారామం సినిమా చేశాడు. ఈ సినిమా ఇండస్ట్రీలో క్లాసిక్ హిట్ గా నిలిచింది. ఈ సినిమాలో లెఫ్టనెంట్ రామ్ పాత్రలో అద్భుతంగా నటించాడు దుల్కర్. అలాగే తాజాగా లక్కీ భాస్కర్ అనే సినిమాతో ప్రేక్షకుల ముందుకు వచ్చాడు. ఈ సినిమాకు కూడా మన టాలీవుడ్ దర్శకుడు వెంకీ అట్లూరి దర్శకత్వం వహించాడు. రీసెంట్ గా దీపావళి కానుకగా విడుదలైన లక్కీ భాస్కర్ సినిమా సూపర్ హిట్ టాక్ సొంతం చేసుకుంది. ఈ సినిమాలో మీనాక్షి చౌదరి హీరోయిన్ గా నటించింది. ఆకట్టుకునే కథనంతో తెరకెక్కిన లక్కీ భాస్కర్ సినిమాలో దుల్కర్ మరోసారి తన నటనతో ఆకట్టుకున్నాడు. ఈ సినిమా రిలీజ్ కు ముందు ప్రీ రిలీజ్ ఈవెంట్ ను నిర్వహించింది మూవీ టీమ్.
ఆ ఈవెంట్ కు రౌడీ బాయ్ విజయ్ దేవరకొండ గెస్ట్ గా హాజరయ్యాడు. కాగా ఈ ఈవెంట్ లో ఓ అమ్మాయి. విజయ్, దుల్కర్ తో కలిసి ఇలా ఫోటోలకు ఫోజులిచ్చింది. ఇంతకూ ఆమె ఎవరో తెలుసా.?పై ఫొటోలో విజయ్, దుల్కర్ తో ఉన్న చిన్నది చాలా ఫేమస్. ఆమె ఎవరో కాదు జస్లీన్ రాయల్ ఈ అమ్మడి పూర్తి పేరు జస్లీన్ కౌర్ రాయల్. ఈ అమ్మడు గాయని, పాటల రచయిత అలాగే స్వరకర్త కూడా.. పంజాబీ , హిందీ , బెంగాలీ , గుజరాతీ అలాగే ఇంగ్లిష్ లోనూ పాటలు పాడింది. అంతే కాదు 2022లో, షేర్షా (2021) చిత్రానికి ఉత్తమ సంగీత దర్శకురాలిగా ఫిల్మ్‌ఫేర్ అవార్డును కూడా గెలుచుకుంది. ఫిల్మ్‌ఫేర్ చరిత్రలో మొదటి మహిళా సంగీత దర్శకురాలిగా ఆమె గుర్తింపు పొందింది. దుల్కర్ సల్మాన్ తో కలిసి హీరియే.. హీరియే అనే సాంగ్ చేసింది. ఈసాంగ్ ఎంత పాపులర్ అయ్యిందో ప్రత్యేకంగా చెప్పాల్సిన అవసరం లేదు. సోషల్ మీడియాలో యాక్టివ్ గా ఉండే ఈ చిన్నది. ఇలా దుల్కర్, విజయ్ లతో ఫోటోలు దిగి సోషల్ మీడియాలో పంచుకుంది.
